Әһли Бејт -АБНА- хәбәр аҝентлијинин вердији хәбәрә әсасән Һиҹаб вә Һиҹаб Гадағасы Мәһбусларыны Мүдафиә Комитәси Һиҹабын Азадлығы уғрунда Шәрләнәрәк һәбс олунуб газамата салынан Һаҹы Тале Бағыров азад едилмәси илә бағлы БӘЈАНАТ јајыб.
ҺҺГ ММ Комитәсинин бәјанатында дејилир:
Бисмиллаһир-Рәһманир-Рәһим!
"Еј иман ҝәтирәнләр! Әҝәр сиз Аллаһа (Аллаһын дининә вә Пејғәмбәринә) јардым ҝөстәрсәниз, О да сизә јардым ҝөстәрәр вә сизи сабитгәдәм (Һагг мүбаризәдә мөһкәм, гүввәтли) едәр." (Муһәммәд сурәсу, ајә7)
Димизин вә мәнәвијјатымызын горунмасы јолунда зиндана салынмыш мөмин вә алим гардашымыз Һаҹы Таленин бу ҝүнләрдә азадлыға чыхмасы хәбәри ән чох бу јолда бүтүн имканларыны онларын һүгугларынын мүдафиәсинә сәрф етмиш Һиҹаб вә Һиҹаб Гадағасы Мәһбусларыны Мүдафиәси Комитәсинин һејәтини севиндирди.
Зиндандан азад олунмуш бу мүбариз вә шүҹаәтли дин хадминә, бундан сонра да азад олунаҹаг бүтүн мөмин вә алим гардашларымыза бу шәрәфли јолда сәбир вә истигәмәт ҝөстәрмәләри, Аллаһ-Тааланын разылығыны газанмалары мүнасибәти илә бүтүн һејәтимиз адындан сәмими гәлбдән тәбрик едир, бу мүгәддәс мүбаризә јолунда апардыглары вә апарҹаглары мүҹадиләдә даһа бөјүк уғурлар арзулајырыг!
"(Сизи һәлә) Севдијиниз башга бир шеј (бир немәт) дә - Аллаһ дәрҝаһындан көмәк вә јахын гәләбә (Һагг мүбаризәдә гәләбә) ҝөзләјир. (Ја Пејғәмбәр!) Мөминләрә (дүнјада зәфәрлә, ахирәтдә Ҹәннәтлә) мүждә вер! " (Сәфф сурәси, ајә13)
Мүдафиә Комитәсинин
мәтбуат хидмәти
07.11.2012
Диггәт: Хәбәрдән истифадә етдикдә мәнбәјә истинад лазымдыр
