Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасында бир чох инанҹлы зијалылар ШӘРЛӘНӘРӘК зинданлара салынмышлар. И.Әлијев режиминин бу һгсызлығын гаршы етиразлар сәнҝимир. Белә ки, бир груп журналист, иҹтимаи фәал вә сијасәт адамы “Азадхебер.орҝ” сајтынын һәбсдә олан баш редактору Ниҹат Әлијевлә бағлы бәјанат имзалајыб.
Бәјанатда мајын 20-дә Бакыда тутулан вә барәсиндә Ҹинајәт Мәҹәлләсинин 234.1-ҹи маддәси илә ШӘРЛӘНӘН Ниҹат Әлијевин һәбси писләнир: “Ниҹат Әлијев наркотик истифадәчиси дејил вә онун сатышы илә мәшғул олмајыб. Журналистин һәбси “Авровизија” маһны јарышмасындан өнҹә ҝејләр һаггындакы мәгаләләри вә һиҹаб јасағынын әлејһинә чыхмасыдыр. Баш редакторун һәбси һәм сөз азадлығына, һәм дә мөвҹуд ганунвериҹилијә зиддир. Тәбии ки, бу һадисә өлкәмизә башуҹалығы ҝәтирә билмәз”.
Бәјанатда гејд олунур ки, Исламчы журналист һәбс едилдикдән сонра ганунсузлугларла үзләшиб: “Ниҹат Әлијев физики вә психоложи тәзјигләрә мәруз галыб. Полис шөбәсинә апарылан автомобили вә һәбс олунаркән үзәриндән ҝөтүрүлән 900 манат пул һәлә дә аиләсинә гајтарылмајыб”.
Бәјанаты Үзејир Ҹәфәров (һәрби експерт), Вүсал Һәтәмов (Азәрбајҹан Бирлик Тәшкилатынын сәдри), Фуад Гәһрәманлы (АХҸП сәдринин мүавини), Рамин Бајрамов (“Исламазери.аз” сајтынын баш редактору), Ејнулла Фәтуллајев (“Инсан Һаглары Уғрунда" Иҹтимаи Бирлијинин сәдри), Сејмур Исмајыл (“Хебернаме.аз” интернет гәзетинин баш редактору), Илкин Мәммәдов (“Хебернаме.аз” интернет гәзетинин хүсуси мүхбири), Пәрвин Зејналов (“Азадхебер.орҝ” сајтынын редактору), Сәбуһи Вагифоғлу (“Хеберлент.аз” сајтынын баш редактору), Хәјал Һәсәнов (Һүгуг вә Азадлыгларын Мүдафиәси Институтунун әмәкдашы) вә башгалары имзалајыб.
Хатырладаг ки, Исламчы журналист Ниҹат Әлијев ШӘРЛӘНӘРӘК ганунсуз наркотик васитәләри, психотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатмада иттиһам олунур. Исламчы журналист Бакы Истинтаг Тәҹридханасында сахланыр.
Диггәт: Хәбәрдән истифадә етдикдә мәнбәјә истинад лазымдыр
