Әһли Бејт -АБНА- хәбәр аҝентлијинин вердији хәбәрә әсасән Русија рәсми Анкаранын Суријадакы бөһранын һәллиндә тәклиф етдији јени лајиһәсини мүсбәт гијмәтләндириб.
Бу барәдә иҹтимиајјәтә Русијанын хариҹи ишләр назиринин көмәкчиси вә президент Владимир Путинин Орта Шәрг үзрә хүсуси нүмајәндәси Михаил Богданов мәлумат вериб.
Онун сөзләринә ҝөрә, Суријада бөһранын һәлли Русија-Иран-Түркијә үчлүјү тәрәфиндән һазырланаҹаг.
Гејд едәк ки, хариҹи ишләр назиринин көмәкчиси Михаил Богданов мөвзу илә бағлы билдириб ки, өлкәси Суријада сакитлијин һөкм сүрмәси үчүн истәнилән диалог механизмининин фајдалы олаҹағыны дүшүнүр.
Мәлумат үчүн бидирәк ки, баш назир Рәҹәб Тајјиб Әрдоған Иран Ислам Республикасына сәфәри заманы Сурија мөвзусунда үчтәрәфли мүзакирә системи тәклиф едиб. Бу системә Түркијә-Мисир-ИИР, Түркијә-Русија-ИИР вә Түркијә-Мисир Сәудијјә Әрәбистаны өлкәләринин бирҝә фәалијјәти дахилдир.
Диггәт: Хәбәрдән истифадә етдикдә мәнбәјә истинад лазымдыр
