Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы (АИП) Сијәзән вә Хачмаз рајонларында конфранс кечириб.
АИП-ин мәтбуат хидмәтиндән верилән мәлумата ҝөрә, Сијәзән рајонунда кечән конфранс исламчыларын ҝениш фәаллығы шәраитиндә баш тутуб. Конфранс иштиракчыларыны АИП сәдри вә лидери Мөвсүм Сәмәдов вә сәдр әвәзи Елчин Манафовун адындан саламлајан Инҝилаб Әһәдли АИП-ын сон илләрдә ҝөрдүјү ишләр, өлкә дахилиндә вә реҝионда баш верән әсас һадисәләр вә партијанын мөвҝеји һагда әтрафлы мәлумат вериб.
Конфрансда иштирак едән сәдр мүавини Һ.Рөвшән Әһмәдли АИП-ин халг вә дөвләт гаршысындакы хидмәтләри, милли-мәнәви дәјәрләрин горунмасы, инсан һаггы вә һүгугларынын мүдафиәси, торпагларымызын ишғалдан азад олунмасы истигамәтиндәки фәалијјәтләри һагда мәлумат верәрәк конфрансын ишинә уғурлар арзулајыб.
Конфранс иштиракчылары ҝүндәликдә дуран мәсәләләр үзрә гәрарлар гәбул едибләр. Мәшәди Ҹәбијев Азәр Ҹәмаләддин оғлу јекдилликлә АИП Сијәзән РК-нин сәдри вәзифәсинә сечилиб. Бундан башга, рајон НТК-сына 3 нәфәр үзв вә 5 нәфәр АИП-ин нөвбәти гурултајына нүмајәндә сечилиб.
АИП Хачмаз РК-нын конфрансы да мүтәшәккил вә фәал шәкилдә кечирилиб. Хачмаз РК-нин сәдри Назим Мәммәдов ҝениш һесабат мәрузәси илә чыхыш едәрәк, кечән дөвр әрзиндә РК-нин ҝөрдүјү ишләр һагда мәлумат верди. Сонра ҝүндәлијин мүзакирәсинә башланды. Јекунда Әлијев Әлигулу Әлислан оғлу јекдилликлә АИП Хачмаз РК-нә сәдр сечилиб. НТК-ја 3 нәфәр үзв вә 6 партија үзвү АИП-ин нөвбәти гурултајына нүмајәндә сечилиб.
Диггәт: Хәбәрдән истифадә етдикдә мәнбәјә истинад лазымдыр
