Әһли Бејт -АБНА- хәбәр аҝентлијинин вердији хәбәрә әсасән Иорданија кралы Абдуллаһ сијаси мәһбусларын азадлыға бурахылаҹағыны вә бүтүн сијаси партијалара сечкиләрдә иштирак етмәк һүгугунун вериләҹәјини вәд едиб.
Иорданија Крал Диванында өлкә рәһбәрлијинин дә иштиракы илә 3 мин нәфәрә зијафәт верән крал Абдуллаһ чыхышында сијаси мәһбусларын азад едилмәләрини әмр етдијини билдириб.
О, бүтүн сијаси партијалара ҝәлән ај өлкәдә кечириләҹәк парламент сечкиләриндә иштирак етмәјә чағырыб. “Биз Иорданијаны даһа ирәли апармаг истәјирик. Сечкиләрдән сонра гурулаҹаг парламент сизин үчүн ҝөзәл фүрсәтдир. Ислаһат вә сечки ганунунда дәјишиклик истәјәнләр парламентә сечиләрәк, бу тәклифләрини гануниләшдирә биләр. Иорданија ислаһатлар һәјата кечирмәк јолунда әзмли ҝедир. Шәффаф сечкиләр кечириләҹәк вә јени парламент гурулаҹаг”, - дејә Иорданија кралы иддиа едиб.
Диггәт: Хәбәрдән истифадә етдикдә мәнбәјә истинад лазымдыр
