Әһли Бејт -АБНА- хәбәр аҝентлијинин вердији хәбәрә әсасән Русија Хариҹи Ишләр Назиринин Мүавини, Иран Ислам Республикасыны Сурија мәсәләси илә бағлы мүсбәт рол ојнадығына ҝөрә тәгдирлә хатырлајараг "Сурија бөһраны һәрби јолларла һәлл едилә билмәз" деди.
Ики ҝүн өнҹә сәһәр радәләриндә јүксәк сәвијјәли бир һејәтә башчылыг едәрәк Теһрана ҝәлән Русија Хариҹи Ишләр Назиринин Мүавини Михаил Богданов илк нөвбәдә Иран Ислам Республикасынын Хариҹи Ишләр Назирлији Әрәб вә Африка Ишләри үзрә Көмәкчиси Һүсејин Әмир Абдуллаһијан илә ҝөрүшүб.
Русија хариҹи ишләр назиринин мүавини Богданов бу сәфәрдә апардығы бир сыра данышмаларда Сурија мәсәләси илә бағлы мүсбәт вә актив рол ојнамасына ҝөрә Иран Ислам Республикасын тәгдирә лајиг биләрәк дејиб: "Сурија проблеми, һәрби јолларла һәлл едилә билмәз. Бу өлкәдә сабитлик мүһитинин мејдана ҝәлә билмәси үчүн Һөкумәтлә мүхалиф груплар арасында сијаси данышыгларын башланылмасы зәруридир".
Иран Ислам Республикасын Хариҹи Ишләр Назирлији Әрәб вә Африка Ишләри мүавини Әмир Абдуллаһијан да етдији чыхышында, Сурија илә әлагәдар реҝионал вә бејнәлхалг һадисәләрдә баш верән инкишафлардан сөз ачарак билдириб: "Мүхтәлиф тәрәфләрин дүнјаҝөрүшләри бир-биринә јахынлашмагда давам едир вә артыг бүтүн тәрәфләр Суријада сијаси һәллин нәзәрә алынмасынын лазым олдуғу гәнаәтинә ҝәлмишләр".
Әмир Абдуллаһијан һәм дә, реҝионал бөһранын гызышдырылмасында ифратчы групларын ојнадыглары рола ишарә едәрәк дејиб: “Бз бүтүн тәрәфләри Сурија халгынын мәсләһәт вә мәнафеләрини нәзәрә алмаға вә бу өлкәдә динҹлик вә сабитлијин сијаси данышыглар јолу илә тәмин едилмәси үчүн ҝениш вә давамлы сәјләрин апарылмасына дәвәт едирик”.
Диггәт: Хәбәрдән истифадә етдикдә мәнбәјә истинад лазымдыр
