Әһли Бејт -АБНА- хәбәр аҝентлијинин вердији хәбәрә әсасән бир нечә ҝүн әввәл Ҹәлилабад рајон ӘДАЛӘТСИЗ мәһкәмәсиндә руһани Һаҹы Илгар Әлијевин ӘДАЛӘТСИЗ мәһкәмә просеси кечирилиб.
ӘДАЛӘТСИЗ мәһкәмәдә Һаҹы Илгар ҝениш чыхыш едиб.
Руһани Һаҹы Илгарын етдији чыхышын диггәтинизә чатдырырыг:
Һаҹы Илгар Әлијев: “Мәним үчүн сизин ганунларыныз әсас дејил. Мәним үчүн әсас Аллаһын ганунларыдыр. Мән она риајјәт едирәм. Мән һәмишә Аллаһын һөкмләрини бу милләтә чалышмышам чатдырам, бу мәним һаггымдыр. Һәзрәти Әлијә (ә) чох дедиләр “чәкил өз јолундан”. Әли (ә) ҹаваб верди: “Әҝәр ҝүнәши сағ әлимә, ајы сол әлимә версәниз, 7 асиманын шаһлығыны мәнә бағышласаныз вә десәниз гарышганын ағзында олан дәни ал – алмарам. Сабаһ Гијамәтдә сорушсалар ки, нијә Ја Әли гарышганын ағзындан рузисини алдын? – мән ҹаваб верә билмәрәм”. Биз бу јолу ҝедәнләрин ардыҹылларыјыг. Имамларымыздан артыг дејилик ки, мәним намусум Имам Һүсејнин (ә) намусуна гурбан олсун. Мән һәбсә дүшән диндарлардан, Исламы дүзҝүн шәкилдә тәблиғ едиб 11 ил һәбс ҹәзасына мәһкум олунан Һаҹы Абҝүлүн ајағынын алтынын тозу да ола билмәрәм, мән онлардан артыг дејиләм ки. Һәзрәти Имам Мусеји Казим (ә) 11 ил зинданда галды, Һәзрәти Јусиф (ә) дә аз галмады. Бәјәм Аллаһ онлары севмирди? Хејир Аллаһ онлары имтаһан едирди. Бизләр дә бу ҝүн имтаһандајыг. Әҝәр өлкәмизә вирус ҝәлсә вә һәкимләр ҝүҹләндирилмиш иш режиминә кечмәсәләр вә ја сәһләнкарлыг ҝөстәрсәләр – Аллаһ онлары Гијамәт ҝүнү ағыр сорғу суал едәҹәк. Дејәҹәк ки, бәла ҝәлмишди нијә сәһләнкарлыг едирдин? Бәс мәндә руһанијәм. Руһанијјәт Ислама зәрбә дәјәндә суса билмәз”.
Залым Һаким бу сөзләрә гулаг асыб дејиб: “Мән сәнә наркотик истифадәчиси демәмишәм. Нөвбәти мәһкәмәдә мәсәлә һәлл олар”.
Һаҹы Илгар: “Мән соған јемәмишәм ичим ҝөјнәсин. Мән бөјүк зиндандан чыхыб кичик зиндана дүшмүшәм. Мән чөлдә раһатлыг ҝөрмәмишдим. Бурда чох раһатам. Чөлдә бөјүк мәсулијјәт вар иди бојнумда- инди исә ибадәтимлә мәшғулам. Мән азад олсам да һаггы дејәҹәм. Руһаниләр Аллаһын сәфиридирләр. Чүнки мән Аллаһын сәфиријәм. Мән Гуранын ајәләрини дәјишә билмәрәм”.
Диггәт: Хәбәрдән истифадә етдикдә мәнбәјә истинад лазымдыр
