Әһли Бејт -АБНА- хәбәр аҝентлијинин вердији хәбәрә әсасән Исламчыларын Һүгугларынын Мүдафиә Комитәсинин сәдри Натиг Кәримли Азәрбајҹан Ислам Ојанышы Һәрәкатынын Лидери, Азәрбајҹан Ислам Партијасынын лаигли Сәдри Доктор Мөвсүм Сәмәдов барәсиндә азадлыға бурахыла билмәси барәдә мәлумат вериб
Комитә сәдри билдирди ки, Авропа Шурасы Парламент Ассамблејасында гурумун сијаси мәһбуслар үзрә мәрузәчиси Кристофер Штрассер тәрәфиндән һазырланан сијаһы јанвар ајында тәсдигләнәрсә, бундан сонра бејнәлхалг тәшкилатлар тәрәфиндән Азәрбајҹан һөкумәтинә гаршы сијаси мәһбусларла бағлы тәзјигләр едиләҹәк: “Тәбии ки, бу тәзјигләр мүгабилиндә Азәрбајҹан һөкумәти сијаси мәһбуслары бурахмаг мәҹбуријјәтиндә галаҹаг. Мөвсүм Сәмәдовун иши илә бағлы лазым олан бүтүн сәнәдләр тәрҹүмә едиләрәк аидијјәти тәшкилатларын һамысына ҝөндәрилиб. Мөвсүм Сәмәдовун Авропа Мәһкәмәсиндә һүгугларыны мүдафиә едәҹәк франсалы вәкил Андре Чами дә һазырда ҝөзләмә мөвгејиндәдир. О, ишлә бағлы лазым олан бүтүн сәнәдләри әлдә едиб. Диҝәр тәрәфдән ишлә бағлы ону марагландыран 31 суала вәкил Анар Гасымлы тәрәфиндән лазым олан бүтүн ҹаваблар верилиб. “
Гејд едәк ки, әсассыз иттиһамларла һәбс олунан Ислам Партијасынын сәдри Мөвсүм Сәмәдов 12 ил, мүавини Вагиф Абдуллајев 11 ил, Руһулла Ахундзадә 11 ил 6 ај, Фирдовси Мәммәдрзајев 10 ил, Дәјанәт Сәмәдов 10 ил, Фәрамиз Аббасов 11 ил мүддәтинә азадлыгдан мәһрум едилибләр. Зүлфүгар Микајылов исә 5 ил сынаг мүддәтилә, 11 иллик шәрти ҹәзаја мәһкум олунуб.
Мәһбуслардан Вагиф Абдуллајев артыг ШӘҺИД олараг дүнјасыны дәјишиб.
Диггәт: Хәбәрдән истифадә етдикдә мәнбәјә истинад лазымдыр
