Әһли Бејт -АБНА- хәбәр аҝентлијинин вердији хәбәрә әсасән бу ҝүн медиа гаршысында чыхыш едән Иран Ислам Республикасы Хариҹи Ишләр Назирлијинин Спикери, дүнән Бејрутда баш верән террор һадисәсини шиддәтлә гынады.
Иран Ислам Республикасы Хариҹи Ишләр Назирлији сөзчүсү Рамин Меһман Пәрәст дүнән ахшам, Ливанын пајтахты Бејрутда һәјата кечирилән террор һадисәсини шиддәтлә гынамагла јанашы, ҝүнаһсыз бир груп инсанын бу һадисәдә һәјатыны итирмәси, јараланмалары вә јашајыш биналарына, тиҹарәт мәркәзләринә вә дөвләт мүлкүнә дәјән күлли мигдарда зијана ҝөрә, Иран Ислам Республикасынын бөјүк кәдәр һисси кечирдијини дә ифадә едиб.
Меһман Пәрәст даһа сонра әлавә едәрәк дејиб: "Бу һәрәкәт шүбһәсиз Ливандакы сијаси ҹәрәјанлар вә бу өлкә халгынын мүхтәлиф сегментләрини груплара бөлмә мәгсәдијлә һәјата кечмиш, һабелә Ливан халгы вә һөкумәтинин мәнафеләрини ҝүдмәјән вә сырф өз мурдар мәнафеләрини дүшүнән бир груп елементләр тәрәфиндән реаллашдырылмышдыр".
Хариҹи ишләр Назирлијинин сөзчүсү Меһман Пәрәст һәмчинин, бу террор һадисәсиндә ҹавабдеһ оланларын һаммысынын бир нәфәрә кими мүәјјән едилиб һәбс едилмәләринин лазым олдуғунун билдирәрәк дејиб: “Биз Ливан халгыны вә бу өлкәдәки мүхтәлиф груплары өз араларындакы иттифагы горујуб сахламаларына дәвәт едирик. Һәм дә шүбһәсиз бөлҝәдә нараһатлыг вә гејри-сабитлик јашанмасындан тәк мәнфәәт апаран тәрәф мәһз Ливан халгынын вә еләҹәдә үмум реҝионун әсас дүшмәни сајылан сионист исраил режимидир".
Диггәт: Хәбәрдән истифадә етдикдә мәнбәјә истинад лазымдыр
