Әһли Бејт -АБНА- хәбәр аҝентлијинин вердији хәбәрә әсасән 2012-ҹи ил октјабр ајынын ахырларында Авропа парламентинин нүмајәндә бир һејәти Иран Ислам Республикасына сәфәр едәҹәк.
Франс Прессин мәлуматына ҝөрә, Авропа Парламентинин мәсул рәсмиләриндән бири ҹүмә ахшамы ҝүнү (18 октјабр) вердији мүсаһибәсиндә гејд едиб: Октјабрын 27-дә сөзү ҝедән нүмајәндә һејәти Иран Ислам Республикасынын рәсмиләри илә мүзакирә вә фикир мүбадиләси апармаг мәгсәдилә Теһрана ҝәләҹәк.
Онун сөзләринә ҝөрә, Авропа парламентинин башчылары 2012-ҹи илин ијул ајында бу нүмајәндә һејәтинин Иран Ислам Республикасына сәфәри барәдә разылыға ҝәлмишдирләр ки, ҹүмә ахшамы ҝүнү (18 октјабр) Авропа Парламентинин мүхтәлиф сијаси групларынын сәдрләри арасында апарылан сәсвермәнин ардынҹа бу нүмајәндә һејәтинин Теһрана сәфәри гәтиләшиб.
Авропа Парламентинин башчыларынын ИИР-нын мәсул рәсмиләри илә данышыг апармагла марагланмасы елә бир һалдадыр ки, сон вахтлар АБ хариҹи ишләр назирләри Лүксембургда бир араја ҝәлиб вә Иранын сүлһмәрамлы нүвә фәалијјәтләринин давам етмәсини бәһанә едәрәк бу өлкәјә гаршы мүхтәлиф јени санксијалар тәтбиг едибләр.
P.S. Гејд едәк ки, габагдан сәрт гыш ајлары ҝәлдији үчүн гәрб рәсмиләри Иран Ислам Республикасындан Нефт вә Газ идхалынын хаһиши үчүн ҝәлирләр.
Диггәт: Хәбәрдән истифадә етдикдә мәнбәјә истинад лазымдыр
