Әһли Бејт -АБНА- хәбәр аҝентлијинин вердији хәбәрә әсасән Теһранын бу һәфтәки ҹүмә намазынын хитабәтчиси дејиб: Бејнәлхалг империализм билсин ки, Иран халгы чәтинликләрә синә ҝәрмәк вә илаһинин мәрһәмәти илә дүшмәнләри мәғлуб едәҹәк.
Ајәтуллаһ Сејид Әһмәд Хатәми Иран Ислам Треспубликасында ҝәлән ил кечириләҹәк президент сечкиләринә гәдәр дүшмәнин бу өлкә халгы илә бағлы стратеҝијасына ишарә едәрәк гејд едиб: Тәзјигләри артырмаг, Иран Ислам Республикасынын дахили ишләринә һаким вәзијјәти ҝәрҝин ҝөстәрмәк, бу өлкә халгы арасында мәјуслуг јаратмаг, сечкиләрдән өнҹә наһагг јерә халгы алдатмаг, Иран Ислам Республикасынын сүлһмәрамлы нүвә һүгугуна наил олмаға исрар етмәсинә ҝөрә санксијалар сәвијјәсинин артмасына бәраәт газандырылмаг, хүсусилә дә јалан вә әсассыз фикирләри јајмаг Ислам Ингилабы дүшмәнләринин бөјүк Иран халгынын әлејһинә нәзәрдә тутдуғу планларынын ҹәһәтини тәшкил едир.
Теһранын бу һәфтәки ҹүмә намазынын хәтабәтчиси чыхышынын диҝәр һиссәсиндә Иран халгынын Ислам гурулушуна ҹидди тәрәфдарлыг етмәсинин инанҹ вә әгидә әсасында олмасына ишарә едәрәк хатырладыб: Һазырда Иран халгы һәр замандан артыг дүшмән гаршысында гүдрәтли олмасына инаныр.
"Авропа өлкәләринин һәр замандан артыг игтисади бөһран ичәрисиндә јашадығы бир шәраитдә бу гәрәзли өлкәләр Иран Ислам Республикасынын дахилинә һаким дуруму ҝәрҝин ҝөстәрмәк үчүн дәридән-габыгдан чыхырлар" –дејә Ајәтуллаһ Хатәми сөзләринә артырыб.
Теһранын бу һәфтәки ҹүмә намазынын хәтабәтчиси чыхышынын диҝәр һиссәсиндә гејд едиб: Империалист дөвләтләр белә гәләмә вермәк истәјирләр ки, Иран Ислам Республикасына гаршы гојулан санксијаларын артмасы Иран Ислам Республикасынын нүвә технолоҝијасына наил олмаға исрарлы олмасындан ирәли ҝәлир. Һалбуки өтән 30 илдә әрзиндә Иран Ислам Республикасында нүвә технолоҝијасы, нүвә елми вә нүвә објектләриндән һеч бир из вә нишанә олмајан заман белә Иран Ислам Республикасы гәрб өлкәләринин мүхтәлиф санксијалары илә үзләшмишди.
Ајәтуллаһ Сејид Әһмәд Хатәми һабелә Һотбирд пејкиндә ИИР телерадио верилишләринин ефирә чыхмасына төрәдилән манеәләрдән тәәссүфләндијини гејд едәрәк АБ-јә хәтабән дејиб Әҝәр сиз иддиа едирсиз ки, сөз азадлығынын тәрәфдарысыз, онда бәс нә үчүн һәгигәтләри үзә чыхаран бир нечә радио-телевизија каналынын әлејһинә чыхыр вә онларын верилишләрини дајандырырсыз.
Теһранын бу һәфтәки ҹүмә намазынын хитабәтчиси чыхышынын сонунда АБ-нин Нобел сүлһ мүкафаты илә тәлтиф олунмасына да мүнасибәт билдириб вә дејиб: Ираг вә Әфганыстанын ишғал едилмәсинә, Әл-Ҹәзаирдә вә дүнјанын бир чох мәнтәгәләриндә минләрлә инсанын гырғын едилмәси вә төрәдилән ҹинајәтләрдә мүдахиләси олан АБ-нин Нобел сүлһ мүкафаты илә тәлтиф олунмасы дүшүндүрүҹү вә тәәҹҹүб доғуран дејилми?
Диггәт: Хәбәрдән истифадә етдикдә мәнбәјә истинад лазымдыр
