Әһли Бејт -АБНА- хәбәр аҝентлијинин вердији хәбәрә әсасән кешмиш режим башчысы Һејдәр Әлијевин Мексиканын пајтахты Мехико шәһәриндә гојулмуш һејкәлинә гаршы етиразлар сәнҝимир.
Белә ки, “Associated Press”-ин Мехикода бир груп һүгуг мүдафиәчисинин Һејдәр Әлијевин һејкәли өнүндә кечирдији аксијадан һазырладығы репортажы диҝәр апарыҹы медиа гурумларынын тиражламасы һадисәјә диггәти даһа да артырыб.
“Азадлыг радиосу”нун инҝилис дилли версијасы Һејдәр Әлјевин дүнјанын мүхәтлиф шәһәрләриндә гојулмуш һејкәлләријлә бағлы материал јајымлајыб. Материалда гејд олунур ки, Һејдәр Әлијевә һејкәл гојулан илк хариҹи өлкә Түркијәдир. Онун һејкәли 2001-ҹи илдә Түркијәнин Гарс шәһәриндә гојулуб. Бундан сонра Румынија пајтахты Бухарестдә, Сербија пајтахты Белградда, Украјна пајтахты Кијевдә, Русијанын Улјановск вә Һәштәркан шәһәрләриндә, Өзбәкистанын пајтахты Дашкәнддә, Мисирин пајтахты Гаһирә јахынлығындакы Калубеј шәһәриндә дә һејдәр Әлијевин һејкәлләри гојулуб.
Әлавә олараг гејд едәк ки, бу һејкәлләрин гојулдуғу әразидә бөјүк парклар салыныб. Паркларын салынмасы ишләринә исә мәһз ХАЛГ-ын милјонларла манат пулу хәрҹләниб.
Хатырладаг ки, тәкҹә Мехико вә Бухарестдә паркларын салынмасына үмумиликдә 10 милјон манат малијјә вәсаити хәрҹләниб.
Диггәт: Хәбәрдән истифадә етдикдә мәнбәјә истинад лазымды
