Әһли Бејт -АБНА- хәбәр аҝентлијинин вердији хәбәрә әсасән Теһран Сүмә Намазынын Хәтиби Америка дөвләт департаментинин террорчу мүнафигләр дәстәсинин адыны бу өлкәнин террорчу груплар сијаһысындан чыхартмасына кәскин етираз едиб.
Ајәтуллаһ Сејид Әһмәд Хатәми террорчу мүнафигләр груплашмасынын ҹинајәтләринә вә һабелә Иран халгындан 16 миндән јухары инсаны шәһид етмәсинә ишарә едәрәк дејиб: Террорчу мүнафигләр (мүҹаһидине хәлг) груп үнсүрләри бәзи террорлар актларын Американын бирбаша ҝөстәриши илә һәјата кечирдәрәк ИИР-нын мүһүм шәхсијјәтләрини шәһид едибләр.
Американын Иран Ислам Республикасынын ән гаты дүшмән олдуғуну вә ИИР-ын исә мәтанәтлә империализм гаршысында дурдуғуну дилә ҝәтирән Ајәтуллаһ Хатәми Америкада Иран Ислам Ингилабы илә мүбаризә комитәсинин јарадылмасына тохунуб.
Ҹәнаб Хатәми гејд едиб ки, һазыркы вәзијјәт АБШ илә һәр ҹур мүзакирәни рәдд едир.
Теһранын Ҹүмә Намазынын Рәһбәри һәмчинин билдириб ки, Ислам Республикасыны санксија етмиш өлкәләрин өзләри чәтин вә бөһранлы вәзијјәтдәдирләр.
О, империализмин Иран Ислам Республикасына гаршы тәзјигләрини һәртәрәфли игтисады мүһарибә адландырыб вә белә дејиб: Гәрб өлкәләри Сәддам режиминин ИИР-а гәбул етдирдији сәккиз иллик мүһарибә дөврүндә өз нәһс нијјәтләринә чата билмәдиләр вә бу ҝүн дә она чатмајаҹаглар.
Диггәт: Хәбәрдән истифадә етдикдә мәнбәјә истинад лазымдыр
