Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын 20 иллији гејд олунур. Бу илләр әрзиндә АИП сијасәти Ислам мејарлары илә узлашдыран јеҝанә бир партија олараг Милләтинә вә торпагларынын әрази бүтөвлүјүнә әбәссиз хидмәтләр ҝөстәрмишдир.
Бу бахымдан Ислам Партијасынын рәсми сајты олан “исламинсеси.аз” сајтынын мүхбири нөвбәти мүсаһибәсини Политолог Вәфа Гулузадә илә апармышдир.
Мүсаһибәни тәгдим едирик.
- Азәрбајҹан Ислам Партијасынын фәалијјәтнин 20 или тамам олур. Сијаси Ислам олараг АИП-ин Низамнамә вә Мәрамнамәсиндә әсасән дүнјавилик вә демократик принсипләрин инкишафы приоритетдир. Амма милли - дини, мәнәви дәјәрләримизин горунмасында да гурумун фәалијјәти данылмаздыр. Буну неҹә гијмәтләндирирсиниз?
- Һесаб едирәм ки, һәгигәтән дә Ыслам партијасы ҝәрәк Мәһәммәд (с) пејғәмбәрин бүтүн бу вәрәсә гојдуғу һәдисләри, назил олан ајәләри вә демократик ганунлары инсанлара дүзҝүн шәкилдә чатдырмалыдыр. АИП тәкҹә дини мәсәләләрә јох, милли дәјәрләрә дә, диггәт ајырмалыдыр. Аллаһын кәлмәләринин һамысы мүсбәт фикирләрдир. Аллаһын бизә назил етдији ајәләр вә һәдисләр инсанларын әхлагыны, тәһлүкәсизлијини горумаг вә ҹәмијјәтин меһрибан һәјат сүрмәси үчүн бизә назил олуб. Бу јөнүмдә АИП-ин фәалијјәтини мүсбәт дәјәрләндирирәм. Мән һесаб едирәм ки, Ислам дини бөјүк бир диндир. Она ҝөрә дә, биз Аллаһын дедикләринә әмәл едиб дүзҝүн һәјат сүрмәлијик.
- АИП мүхалифәт ҹәбһәсиндә дајаныр, ејни заманда сәрһәд билмәјән исламчылығы, ислами марифләндирмәни ҹәмијјәтимиз үчүн мүһүм амил сајараг мүбаризә хәттинә дахил едир. Бу истигамәтдә уғурлары данылмаздыр. АИП-ин ҝәләҹәк фәалијјәтинә инанырсынызмы?
- Азәрибајҹанын индики шәраитиндә Ислам партијасы, диҝәр партијалар кими һакимијәтә ҝәлмәјә ҹан атмамалыдыр. Мәнә елә ҝәлир ки, јахын ҝәләҹәкдә Ислам дәјәрләри бүтүн дүнјада галиб ҝәләҹәк вә јениләнмиш, мүасирләшмиш ислами пиринсипләрә әсасланан Ислам гурулаҹагдыр. Она һазырлыг үчүн исә иш ҝөрмәк вә елә имканлар јаратмаг лазым дејил ки, Ислам партијасыны нәдәсә иттиһам етсинләр, о ҹүмләдән дә радикаллыг вә терроризимдә.
- АИП-ин иранчылыг мөвгејинә ҝөрә ҝүнаһландырырлар, гурумун фәалијјәт истигамәтиндә бу һал бүрузә верилмәсә белә, нәдәнсә гәрбјөнүмлүләрдән бу гәдәр әндишәләнмирләр сәбәби ?
- Мән истәрдим ки, Азәрибајҹан Ислам Партијасы бу ҹүр вәзијјәтләрдән үзү ағ чыхсын. Дүздүр заман-заман АИП-ә Иранчылыг дамғасы вурулуб. Анҹаг, АИП милләтинә вә дөвләтинә хидмәтлә бу икирләрин пуч олдуғуну сүбут едиб. Билирсиниз үмумијјәтлә һәмишә Ислам дининә гаршы тәзјигләр олуб вә олаҹаг. Анҹаг, мән АИП-ин ҝәләҹәк фәалијјәтинә инанырам. Буна да башлыҹа сәбәб кими үч мүһүм фактору гејд етмәк олар. Бунлар дил, дин вә милләт факторларыдыр. Советләр вахтында динә гадағалар гојулду. Мәсҹидләр сөкүлдү, алимләр сүрҝүнләрә мәруз галдылар. Буна бахмајараг Ислам динини арадан апара билмәдиләр. Чүн ки, дин о заман евләрдә вә гәлбләрдә иди.
- АИП-ә нәләри арзулајиб вә ја тәклиф ҝөрәрдиниз ?
- Ислам партијасына ишләриндә мүвәффәгијјәтләр вә уғурлар арзулајырам. АИП Азәрбајҹан да ән гәдим партијалардандыр вә онлар бу партјанын вә өзләринин гәдирләрини билмәлидирләр. Ишләриндә Халгы вә дини әсас тутмалыдырлар.
Диггәт: Хәбәрдән истифадә етдикдә мәнбәјә истинад лазымдыр
