Әһли Бејт -АБНА- хәбәр аҝентлијинин вердији хәбәрә әсасән Мүбариз Руһаниләр Ҹәмијјәтинин рәһбәри Кәрбәлаји Тоһид Ибраһимбәјли Аврасија.нет-ә мүсаһибә вериб.
- Ҹәмијјәтиниз нә вахт јараныб?
- Ики ил өнҹә јараныб.
- Мәгсәдиниз нәдир?
- Әсас мәгсәдимиз Азәрбајҹанда Ислам Динини олдуғу кими тәблиғ етмәк вә Исламла, милли-мәнәви дәјәрләримизлә мүбаризә апаранларла мүбаризәјә галхыб өз һугугларымызы тәләб етмәкдир.
- Һүгугларынызы јетәринҹә мүдафиә едә билирсизми?
- Бу ҝунләр Азәрбајҹанда лајиһә шәкилиндә динлә мүбаризә апарылыр вә дини символларымыза гадаға гојулур вә узун мүддәтли програмлар васитәси илә ҹаванларымызы милли-мә`нәви дәјәрләриндән ајырыб онларын дүнјәвилик ады алтында позғунлуглара чәкиб вә онлары өзләринә гул етмәк нијјәтиндәдиләр вә нәтиҹәдә о өлкә ки, онун ҹаванлары шәһвәтлә мәст олуб, чох раһат онун динини, гејрәтини, торпағыны гарәт етмәк олар. Ҝүҹүмүз чатан гәдәр сөзүмүзү чатдырырг. Инсанлар арасында маарифләнмә апарырыг. Амма галды кы, һугугларымызын бәрпа олаҹағына, сизә дејим, бу јолда 100-ә јахын алим, руһани мөмин гардашлар шәрләниб, узун мүддәтли вә гыса мүддәтли һәбсләрә атылыблар. Садәҹә она ҝөрә ки, өз һугугларыны тәләб едирләр. Сиз ахыр заманлар өлкәмиздә јалныз Ислам Дининә гаршы олан мүнасибәтләрә диггәт јетирин. 3 мәсҹид дағыдылды , азанын сәсини кәсмәјә ҹәһдләр ҝөстәрилди , Имам Һүсејн әзадарлығына чохлу гадағалар гојдулар, дини китабларын сатышлары јасагланды вә бунлардан ән әсасы орта мәктәбләрдә һиҹаба гадаға ҝојдулар. Һалбуки, Илһам Әлијев өзү мсаһибәсиндә һиҹаб гадағасыны инкар етди, бүтун бурада гејдә алынмыш вә алынмамыш репрессијалара гаршы ким чыхыб мүбаризә апарыб вә өз конститусија һугугларыны тәләб етдисә шәрләниб һәбс едилдиләр вә һазырда да бу репрессија далғасы давам едир вә азы бир нечә ајда бир нечә-нечә инанҹлы шәхс һәбс едилир.
- Мүбаризә апармаг үчүн ҝүҹлү мадди вә мәнәви дәстәк олмалыдыр…
- Буну гејд етмәк лазымдыр ки, биз мүбаризәни нәтиҹә алмаг үчүн јох бојнумузда вәзифә вә борҹ билиб давам етдирирк вә бу јолда Аллаһын вәдәсинә бел бағламышыг ки, һагг ҝәлиб батил ҝедәҹәк вә һәгигәтән батил ҝетмәлидир. Буну да гејд едим, мәгсәд вә нишан һакимијјәт дејил, һәр кәс динимзә, милли-мәнәви дәјәрләримизлә мүбаризә апарса, биз онларын гаршысында сусмајаҹағыг вә сусмағы да бүтүн сусанлара ҝүнаһ һесаб едирик. Ону да билдирим ки, бизим мүбаризәмиз бир групла вә ја шәхслә дејил. Һәр кәс динимизә вә милли-мәнәви дәјәрләримизә әл узатса онунла мүбаризәјә галхаҹағыг . Бу мубаризә Азәрбајҹанда индики замана мәхсус дејил. Бундан өнҹә бизим дини алимләримиз зүлмлә мүбаризә апарыблар вә бу јолда репрессијалара мәруз галыблар, сүрҝүн вә јахуд шәһид едилибләр. 37-ҹи илләри унутмајаг.
- Мүбаризәниз нәтиҹә вермәзсә даһа һансы васитәләрә әл атмаг фикриндәсиниз? Бу мәсәләдә сизә даһа һансы ҹәмијјәт вә јахуд гурумлар дәстәкдир. Азәрбајҹанда дини мәсәләдә фәаллыг едәнләри чох вахт Иранла бағлајырлар…
- Әҝәр биз миз-стола вә јахуд һакимијјәтә ҝөз дикмиш олсајдыгса сизин сөзүнүзүн јери вар иди. Һәр бир өлкәнин әсҝәри сәрһәдләри дүшмәнин һүҹумундан горујур вә буну да өзүнә бөрҹ билир. Биз дә өзүмүзү Ислам Дининин әсҝәрләри һесаб едирик вә бу јолда Аллаһа тәвәккүл едиб бөјүк дин алымләримизин мәнәви дәстәкләри илә вә бөјүк мүсәлман халгымызын мадды вә мәнәви дәстәји илә бу јолда аддым атырыг. Бизим ән бөјүк силаһымыз дамарларымыздан ахан гандыр, мүбаризәнин ахырында биз шәһидлик арзу едирик. Амма буну да дуа едирик ки, бу ган Азәрбајҹанда Исламла мүбаризә апаранларын әли илә јох, бәлкә Гарабағда ермәниләрин әли илә төкүлсүн. Она ҝөрә ки, биз үмүд едирик, иншаАллаһ тез бир заманда проблем өз һәллин тапаҹаг. Амма галды кы, Ирана, бәли, бизә ән бөјүк мәнәви дәстәк Ираг вә Иран мүҹтәһидләри тәрәфиндән ҝәлир. Онларын сөзү дә будур ки, гојмајын дининизи сиздән алсынлар. Буна да ишарә едим ки, ар олсун о мүсәлмана ки, динини, һиҹабыны горумаг үчүн ајры өлкәнин ҝөстәришинә мөһтаҹ олсун. Әҝәр дини гаидә нәзәрдә тутуланда Аллаһын истәјләри нәзәрдә тутулурса, һәр Аллаһа инанан шәхс севинәр ки, өлкәси Аллаһ истәјән кими идарә олунсун, сизҹә севинмәз? Ону да дејим ки, тарих боју мүбаризәләр еффект вериб, амма ҝеҹ, тези вар.
- Диҝәр дини тәшкилатларла әлагәниз вармы? Һәм бурада, һәм хариҹдә.
- Чохлу дини вә вә инсан һаггларына аид тәшкилатларла әлагәмиз вар һәм дахилдә һәм дә хариҹдә. Хүсусән бөјүк дин алимләри вә мүҹтәһидләрлә әлагәдә олуруг.
- Белә давам едәрсә Азәрбајҹанын ҝәләҹәјини неҹә ҝөрүрсүз?
- Вәтәнимизин талеји халгымыз вә ҹаванларымызын өз әлләриндәдир. Амма галды ки, һакимијјәтә, әҝәр белә ҝетсә, тарихи мүталиә едәркән буну анламаг олар ки, гәддар, залым вә Аллаһла дүшмәнлик едән һакимијјәтләр олуб. Амма онлардан һазырда һеч бир әламәт галмајыб . Фиронлардан тутмуш Рза шаһ, Сәддам Һүсејн, Һүснү Мүбарәк вә Бин Әли кимиләрин һакимијјәтинә гәдәр.
Диггәт: Хәбәрдән истифадә етдикдә мәнбәјә истинад лазымдыр
