Әһли Бејт -АБНА- хәбәр аҝентлијинин вердији хәбәрә әсасән бүу ҝүн 4 сентјабр 2012 тарихдә сәһәр саат 11-12 радәләриндә Бакыда Франса сәфирлијинин гаршысында етираз аксијасы кечирилиб.
Етираз аксијасынын Франсада нәшр олунан бир журналын Мәһәммәд Пејғәмбәри (с) вә Мүсәлманлары ијрәнҹ карикатураларла тәһгир етмәсинә етираз олараг инанҹлы вәтәндашлар тәрәфиндән кечириләҹәји билдирилиб.
Франса сәфирлијинин бинасы чох сајда полис тәрәфиндән мүһасирәјә алынса да лакин Инанҹлылар аксијаны мүвәффәгијәтлә кечирдә билмишләр.
Етиразчылар "Ҹанымыз сәнә фәдадыр ја рәсулаллаһ!", "Мүгәддәсләрә саташанлара ар олсун!", "Сахта Франса мәдәнијјәти рәдд олсун", "Исламафобијаја сон гојун!" кими шуарлар сәсләндирибләр.
Аксијада полисин сәрт мүдахиләсиндән сонра тәрәфләр арасында јашанмыш гаршыдурманын нәтиҹәсиндә диндарлардан бир нечәси хәсарәт алыб.
Полис чох сајда етиразчыны Сәбајыл Рајон Полис идарәсинә апарыб. Полисләр, хүсусәндә јүксәк рүтбәли полисләр етиразчыларын шәрәф вә ләјагәтини алчалдаҹаг, әхлагсыз сөјүшләр сөјүбләр.
Гејд едәк ки, рәсми Парис Франсада нәшр олунан журналын Мәһәммәд Пејғәмбәри (с) вә Мүсәлманлары ијрәнҹ карикатураларла тәһгир етмәсин бәјәнилмәјән һал олдуғуну вә буну писләдикләрини ачыгласа да, сөзүҝедән журнала гаршы һеч бир тәдбир ҝөрмәјиб.
Диггәт: Хәбәрдән истифадә етдикдә мәнбәјә истинад лазымдыр
