Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасы президенти БМТ Баш Ассамблејасынын 67-ҹи иҹласында иштирак етмәк үчүн бу ҝүн сәһәр Нју-Јорка сәфәр едиб.
Маһмуд Әһмәдинежад Теһраны тәрк етмәздән өнҹә дејиб: Бу сәфәр заманы БМТ-нин гурулушунда ислаһатларын апарылмасы, реҝионал ихтилафларын арадан галдырылмасы үчүн тәмас групунун тәшкил едилмәси вә тоггушмалара сон гојулмасы истигамәтиндә фикир мүбадиләләри апарылаҹаг.
Иран Ислам Республикасынын президенти ИИР рәсмиләринин БМТ Баш Ассамблејасынын иҹласында иштиракла бағлы 3 ајдан артыг давам едән мәсләһәтләшмәләринә ишарә едәрәк, дејиб: “Бу сәфәр заманы ҝәләҹәјин дүнја иҹтимаијјәти үчүн ајдын формада тәсвир едилмәсинә сәј ҝөстәриләҹәк”.
М.Әһмәдинежад халгларын иззәти вә истиглалијјәтини зоракы гүдрәтләрин мәнафеләри илә тәзадда олан мәсәлә адландырыб вә дејиб: “Әҝәр инкишаф ардындајыгса, о заман дүнјаја һаким кәсилмиш гурулушу дәјишмәк үчүн сәј ҝөстәрмәли вә дүнјада әдаләтли бир гурулушун формалашмасына чалышмалыјыг”.
Диггәт: Хәбәрдән истифадә етдикдә мәнбәјә истинад лазымдыр
