Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасында Мүгәддәс Мүдафиә Һәфтәсиндә Ислам Ордусунун һәрби наилијјәтләринин нүмајиш етдирилмәси реҝионал вә бејнәлхалг медиаларда ҝениш әкс-сәда доғуруб.
Иран Ислам Республикасы силаһлы гүввәләринин дүнән Мүгәддәс Мүдафиә Һәфтәсинин илк ҝүнүндә өлкә президенти Маһмуд Әһмәдинежадын вә өлкәнин јүксәк сәвијјәли һәрби рәсмиләринин иштиракы илә кечирилән бөјүк парадда Ислам Ингилабы Кешикчиләри Корпусу Сепаһ-ын һавадан мүдафиә үзрә јени тәҹһизатлары о ҹүмләдән “Рәд” һавадан мүдафиә системи нүмајиш етдирилиб.
Таир 2 ракетләри илә тәҹһиз едилмиш “Рәд” һавадан мүдафиә тәҹһизаты 50 километрлик радиусда вә 75 мин фут јүксәкликдә олан бүтүн һәдәфләри вурмаға гадирдир.
Сепаһ-ын авиасија гүввәләри команданы Әмир Әли Һаҹызадәнин дедијинә ҝөрә, бу һавадан мүдафиә системи АБШ истеһсалы олан тәјјарәләрин һәдәфә алынмасы мәгсәдилә һазырланыб вә 50 километрлик радиусда јерләшән 75 мин фут јүксәклијә кими бүтүн һәдәфләри вурмаға гадирдир.
Америкада чыхан Вашингтон Пост гәзети ИИР-ын мүдафиә потенсиаллары илә бағлы хәбәриндә јазыб: Иран Ислам Республикасы тамамилә јерли истеһсал олан һавадан мүдафиә системини нүмајиш етдирди ки, дејиләнләрә ҝөрә, Америка истеһсалы олан гырыҹылара гаршы дизајн вә истеһсал едилиб.
Вашингтон Пост әлавә едиб: Бу һавадан мүдафиә системи Русија истеһсалы олан охшар моделдән гат-гат үстүндүр вә ҹет моторлу тәјјарәләр, круз типли ракетләр, автомат бомбалар, һеликоптерләр вә пилотсуз тәјјарәләри һәдәфә алмаг үчүн дизајн вә истеһсал едилиб.
АБШ-ын Асошејтед Пресс хәбәр аҝентлији дә Ислам Дөвләтинин Рәд һавадан мүдафиә системинин нүмајиш етдирилмәси илә бағлы хәбәриндә Иран Ислам Ингилабы Кешикчиләри Корпусу Сепаһ-ын Авиасија гүввәләри команданына истинадла јазыб: “Бу систем 30 миллик радиуса маликдир вә һәдәфи сон дәрәҹә јүксәк һүндүрлүкдә һәдәфә алмаға гадирдир”.
Сионист “Тимес уп Исраил” хәбәр аҝентлији дә Иран Ислам Республикасы президенти Маһмуд Әһмәдинежадын чыхышынын мүәјјән һиссәләринә вә Рәд һавадан мүдафиә системинин габилијјәтләринә ишарә едиб.
Сионист Јадиут Аһарнут гәзети дә ИИР-ын Силаһлы Гүввәләринин парадында нүмајиш етдирилән јени һәрби-мүдафиә наилијјәтләри һагда јазыб: “Нүмајиш етдирилән јени тәҹһизатлардан бири дә јер-јер типли “Гәдр-Ф” ракети олуб ки, 2 мин километрлик вурма радиусуна маликдир. Һәмчинин, Иранын силаһлы гүввәләринин парадында нүмајиш етдирилән ракетләрдән бири дә Сиҹҹил ракети олуб ки, о да 2 мин километрлик вурма радиусуна маликдир”.
Бу гәзет даһа сонра јазыб: “Фатеһ-110, Шәһаб-2 вә Гјам ракетләри дә бу парадда нүмајиш етдирилән диҝәр ракетләрдән олуб”.
Чајна Даилј гәзети дә Ислам Дөвләтинин Силаһлы Гүввәләринин парад јүрүшү илә бағлы хәбәриндә ИИР-ын һәрби-мүдафиә габилијјәтләрини ишыгландырыб.
Ливанда чыхан әл-Ентегад гәзети дә јазыр: “Иран Ислам Республикасынын Силаһлы Гүввәләри кечирдикләри парадда мүдафиә саһәсиндәки габилијјәтләрини нүмајиш етдирди”.
Билдирәк ки, 21 сентјабр Ирагын Бәс режиминин Иран Ислам Республикасына гаршы тәҹавүзләринин башландығы ҝүндүр. Бу ҝүн Иран Ислам Республикасында мүгәддәс мүдафиә һәфтәсинин башланғыҹ ҝүнү кими гејд олунур вә һәр ил бу һәфтә илә әлагәдар мүхтәлиф мәдәни програмлар һәјата кечирилир, иранлы мүҹаһидләр вә мүбаризләрин хатирәләри вә гәһрәманлыглары јад едилир.
Иран Ислам Республикасынын Силаһлы Гүввәләринин Баш Гәрарҝаһ рәиси Сејид Һәсән Фирузабади дә дүнән мүгәддәс мүдафиә һәфтәсинин биринҹи ҝүнүндә Силаһлы Гүввәләрин бөјүк парадында чыхыш едәрәк, ИИР-ын Силаһлы Гүввәләринин сүрәтлә инкишаф етмәкдә вә јени тәҹһизатлар дүзәлтмәкдә олдугларыны дејәрәк, вурғулајыб: “Иран Ислам Республикасынын мүдафиә габилијјәтләри хариҹи тәһдидләр гаршысында ән ҝүҹлү ҹавабдыр”.
Иран Слам Республикасынын Мүдафиә Назири Ҝенерал-Мајор Әһмәд Вәһиди дә дејиб: Мүгәддәс Мүдафиә Иран Ислам Республикасынын мәғлубедилмәзлик символудур вә 33 ҝүнлүк мүһарибәдә Ливанын сионист режим үзәриндәки гәләбәсинин илһам вериҹиси олуб.
ИИР-ын мүдафиә назири Иран Ислам Республикасынын мүгәддәс мүдафиә илләри сајәсиндә стратежи бир превентив хүсусијјәт әлдә етдијини дејәрәк, вурғулајыб: “Иран Ислам Республикасына гаршы истәнилән авантүрист һәрәкәт тәҹавүзкар тәрәф үчүн сон дәрәҹә мәнтигли нәтиҹәләрә малик олаҹаг”.
Диггәт: Хәбәрдән истифадә етдикдә мәнбәјә истинад лазымдыр
