Әһли Бејт -АБНА- хәбәр аҝентлијинин вердији хәбәрә әсасән Иранын Телерадио Тәшкилатынын Бакыдакы јерли мүхбири Анар Бајрамлынын вәкили Анар Гасымлы дејиб ки, мүвәккили Бакы Истинтаг Тәҹридханасындан 14 сајлы Ҹәзачәкмә Мүәссисәсинә көчүрүлүб.
Исламазери Сајтынын вердији мәлумата ҝөрә Анар Гасымлы бир даһа Азәрбајҹан Республикасында танынмыш журналист олан Анар Бајрамлынын ҝүнаһсыз олдуғуна тәкид едәрәк үмидварлыг едиб ки, о тез бир заманда азад едилсин.
Өтән һәфтә дә Иран Ислам Республикасынын Хариҹи Ишләр Назирлијинин сөзчүсү Рамин Меһманпәрәст өзүнүн һәфтәлик мәтбуат конфрансы заманы дејиб:" Үмид едирик ки, Азәрбајҹан Республикасынын мәһкәмә рәсмиләри Сәһәр Бејнәлхалг телеканалынын мүхбиринин вәзијјәтини јенидән нәзәрдән кечирәрәк, иҹазә версинләр ки, медиа фәалијјәтләри мүсбәт вә конструктив истигамәтдә ирәлиләсин вә ики өлкәнин бир-бирләри һагда даһа артыг танынмаја јардым едә билән атмосфери һимајә етсин".
Меһманпәрәст һәмчинин ики өлкәнин медиа әмәкдашлыгларынын әһәмијјәти һагда да дејиб:" медиаларла мүнасиб формада давраныш вә медиалар тәрәфиндән даһа јахшы вә даһа дәгиг мәлуматларын чатдырылмасына иҹазәнин верилмәси әмәкдашлыглар атмосферини ҝенишләндирир вә биз үмид едирик ки, башга өлкәләрдә Иран Ислам Республикасынын медиалары илә әмәкдашлыг едән журналистләр, фәалијјәт үчүн јетәрли азадлыға малик олсунлар".
Гејд етмәк лазымдыр ки, ҝүнаһсыз олдуғуна ҝөрә, онларла Азәрбајҹан Республикасы, ИИР гурумлары вә тәшкилатлары һабелә бејнәлхалг тәшкилатларын тәрәфиндән виҹдан вә сијаси мәһбус адландырылан Анар Бајрамлы өтән феврал ајындан Бакы полисинин гара јахмасы илә һәбсдә сахланылыр.
ИИР-ын достҹасына һәрәкәтләри, о ҹүмләдән ИИР-да Азәрбајҹан Республикасында мәһкәмәдә мәһкум едилмиш ики вәтәндашы Шәһријар Һаҹизадә вә Фәрид Һүсејнин сәрбәст бурахылмаларына рәғмән, рәсми Бакы һәлә дә Анар Бајрамлыны сәрбәст бурахмајыбдыр.
Диггәт: Хәбәрдән истифадә етдикдә мәнбәјә истинад лазымдыр
