Әһли Бејт -АБНА- хәбәр аҝентлијинин вердији хәбәрә әсасән Милли Мәҹлисин (ММ) Елм вә Тәһсил Комитәсинин бу ҝүн кечирилән иҹласында 1998-ҹи илдә гәбул олунмуш “Тарих вә мәдәнијјәт абидәләринин горунмасы һаггында” гануна дәјишиклик едилмәси лајиһәси мүзакирә олунуб.
Лајиһә барәдә комитә сәдри Шәмсәддин Һаҹыјев мәлумат вериб. Тәклиф олунан лајиһәјә әсасән, тарихи абидәләрин тәсдигләнмиш сијаһысындан абидәнин адынын чыхарылмасы мүвафиг иҹра һакимијјәти органынын (Назирләр Кабинети) тәклифи әсасында, Азәрбајҹан Милли Елмләр Академијасынын рәји нәзәрә алынмагла, мүвафиг иҹра һакимијјәти органы (Мәдәнијјәт вә Туризм Назирлији) тәрәфиндән һәјата кечирилир.
Мүзакирәләрдән сонра лајиһә ММ-ин пленар иҹласына төвсијә олунуб.
Гејд едәк ки, индијә гәдәр Азәрбајҹан Республикасынын тарих вә мәдәнијјәт абидәләринин тәсдигләмиш сијаһысындан абидәләрин адларын чыхарылмасы гадаған иди. Гануна дәјишиклик лајиһәси гәбул олунандан сонра ССРИ дөнәминдә ермәниләр тәрәфиндән сахта фактларла тарихи абидә кими тәгдим олунмуш адларын сијаһыдан чыхарылмасы ҝөзләнилир.
Диггәт: Хәбәрдән истифадә етдијдә мәнбәјә истинад лазымдыр
