Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын 20 иллији гејд олунур. Бу илләр әрзиндә АИП сијасәти Ислам мејарлары илә узлашдыран јеҝанә бир партија олараг Милләтинә вә торпагларынын әрази бүтөвлүјүнә әбәссиз хидмәтләр ҝөстәрмишдир.
Бу бахымдан Ислам Партијасынын рәсми сајты олан “исламинсеси.аз” сајтынын мүхбири АИП Газах Рајон Тәшкилатынын сәдриндән мүсаһибә алмышдыр.
- Рәшад бәј, неҹә олду ки, сиз сијасәтә ҝәлдиниз вә Ислам Партијасыны сечдиниз? Ахы билирсиниз бәзиләри бу партијаны Иранла бағлајыр.
- Ислам Партијасындан әввәл башга мүхалифәт партијаларынын үзвү олмушам. АИП-ин негативликләрлә ачыг мүбаризәсини ҝөрдүкдән сонра Ислам Партијасына үзв олмаг гәрарына ҝәлдим вә үзв олдум. АИП һаггы дејән, Аллаһын вә Рәсулуллаһын тутдуғу јол илә ҝедән партијадыр. Она ҝөрә дә башга партијалары дејил, мәһз АИП-и сечдим. АИП-ин чох ајдын Низамнәмәси, Мәрамнамәси вардыр. Партија рәһбәрлијинин апардығы сијасәтдә дөвләтимизин вә халгымызын марагларынын горунмасы, һәр бир аддымда вә әмәлдә әрази бүтөвлүјүмүзүн бәрпа олунмасы тәләби өзүнү ҝөстәрир. Бу сијасәт азәрбајҹанчылығы тәблиғ едир иранчылығы јох.
- Рәшад бәј, сиз һәм АИП баш мәҹлисинин үзвү, һәм дә Газах Рајон тәшкилатынын сәдр әвәзисиниз. Хаһиш едирәм , Газах Рајон Тәшкилаты вә онун фәалијјәти барәдә мәлумат верәсиниз.
-АИП Газах Рајон Тәшкилаты олараг јарандығы ҝүндән партијанын рајон комитәсинин топлантыларыны кечириб. Рајонда АИП-ин Ҝәнҹләр Тәшкилатыны јаратмыш, ҝәнҹләр арасында идеоложи тәблиғат, хүсусилә дини-мәнәви дәјәрләри ашылајан сөһбәтләр апарылыр. Биз јерли тәшкилатын Гадынлар Шурасыны да јаратмышыг. Үзвләримиз арасында ән чох охунан гәзет “Нәбз”-и вахташыры алыр, бурадакы сон мәлуматларла милли-мәнәви мөвзуларла, дин алимләринин төвсијјәләри илә таныш олуруг. Рајонун бир чох кәндләриндә јени өзәкләр јаратмышыг. Фәал ҝәнҹләрин партија сырасына ҝәлиши сон вахтлар чохалмышдыр.Дәфәләрлә партија рәһбәрләри илә үзвләримизин ҝөрүшүнү тәшкил етмишик. Газахда Ислам мүгәддәсләримизин таныдылмасы, севилмәсиндә иманлы гардашларын ролу чохдур.
Бүтүн бунларла јанашы Газах рајонунда АИП-ин рајон тәшкилатларынын
јарандығы ҝүндән тәзјигләрә мәруз галдығымыз ҝүнләр дә аз олмајыб, бу ҝүндә белә һаллар давам едир.Гоһумларымыза да тәзјиг едилиб ки, мән бу јолдан
чәкиним. Амма онлара билдирирәм ки, мән бу јолдан чәкинән дејиләм.Чүнки сечдијим мүбаризә вә фәалијјәт јолу дахили тәләбатым-әгидәмлә бағлыдыр
Диггәт: Хәбәрдән истифадә етдијдә мәнбәјә истинад лазымдыр
