Әһли Бејт -АБНА- хәбәр аҝентлијинин вердији хәбәрә әсасән бу ҝүнләрдә Азәрбајҹан Республикасында һәм игтидар һәм дә бәзи мүхалифәтчиләр тәрәфиндән нөвбәти шантажлара мәруз галыб. “Партија Дахилдән Парчаланыр” вә бу кими јерсиз вә јалан шантажлар. Бир сыра ҝөзүбағлы, гәрбјөнлү сајтлар, белә чиркаб фикирләри сајтларында ҹызма-гараламаларыјла “Мүгәддәс Ислам Партијасы”на ләкә ҝәтирмәк истәсәләрдә, сонда өзләри “ШАНТАЖЧЫЛЫГ”а мәһкум олдулар. Белә ки, шантажчылардан бири дә мәһз пиа.аз-дыр. Вә бу сәбәбдән дә пиа.аз сајтынын бөһтанларына АИП сәдринин сијаси мәсәләләр үзрә мүавини Акиф Һејдәрли мүнасибәт билдириб:
“Әввәлҹә Пиа.аз сајтынын әмәкдашларына Азәрбајҹан Ислам Партијасыны (АИП) пулсуз-парасыз ҝүндәмдә сахламагла тәблиғ етдикләринә ҝөрә тәшәккүр едирәм.
Һесаб едирәм ки, сијаси гурум олараг фәалијјәтимизлә милли-мәнәви-ислами дәјәрләримизи имкан вә бизә ганунларымызын вердији фүрсәт вә һүгуг чәрчивәсиндә тәблиғ едир, инсанларда сијаси ислам дүшүнҹә вә тәфәккүрүнүн инкишаф етмәсинә чалышырыг.
Һәр һалда буна, бу јолда оланлара гаршы ҝетмәк һеч бир мүсәлмана јарашмаз.
Јәгин ки, Пиа.аз-чылар да буну јахшы баша дүшүр, бу истигамәтдә хидмәтләрини тутумлары мүгабилиндә јеринә јетирирләр.
Һәр һансы бир сијаси гурумун топлантысы ҝәрҝинликлә кечирсә, демәли фикир мүхтәлифлији вар, сечим едилир.
Партијада һәр һансы бир пост уғрунда сијаси мүбаризә дә тәбиидир.
Амма Пиа.аз-чылар билмәлидир ки, АИП-дә бу вә бунун кими диҝәр мәсәләләр әдаб-әркан, Ислам әхлагы чәрчивәсиндә һәјата кечирилир, һәр һансы бир информасија аҝентлијинин она өтүрүлән јанлыш мәлуматлара әсасланараг иҹтимаиләшдирилән фикир вә сәһв дүшүнҹәләрлә јох.
Биз Ислам Партијасынын һеч бир дахили мәсәләсини иҹтимаи мәтбуатда мүзакирә јолу илә һәлл етмәјин тәрәфдары дејилик, чүнки бу нә әгидәмизә, нә дә ки, ислам әхлагына ујғундур.
Доғрудур, 5 ил, 10 ил әввәлләр партијада парчаланма ҹәһдләри, бәзи негативликләр, о ҹүмләдән партија рәһбәрлијинин иҹтимаи мәтбуатда иттиһам олунмасы һалларына јол верилиб.
Амма, неҹә дејәрләр, ахар су чиркаб ҝөтүрмәз.
АИП-дә јалныз сағлам гүввәләр вар, фәалијјәт ҝөстәрир.
Сајтдакы чыхышда бир мәгамы да јерсиз һесаб едирәм ки, о да сәдрлик мәсәләсидир.
Мән дејәрдим ки, өлүм һаллары истисна олунмагла Азәрбајҹанда фәалијјәт ҝөстәрән һеч бир партијада рәһбәрлик АИП-дәки гәдәр чох дәјишилмәјиб, һеч бир сијаси гурумун сәдрлик постуна АИП-дә олдуғу кими чохсајлы алтернатив олмајыб.
Бу да өзлүјүндә партијаја рәһбәрлијә лајиг сијасәтчиләрин јетишдирилмәсиндән ирәли ҝәлир.
Садәҹә гејд етмәлијәм ки, партијамызын сәдри Мөвсүм Сәмәдов һәбсханададыр.
Гуруму онун лајигли давамчысы Елчин Манафов идарә едир.
Онун гәбул етдији гәрар һәр бир үзв үчүн партијадахили ганундур вә сөзсүз јеринә јетирилир.
Партијаја јеткиләри олараг үзәримизә дүшән вәзифәләри лајигинҹә јеринә јетирир вә заман ҝәләҹәк естафети давамчылара өтүрәҹәјик.
Тәки халга јадда галан хидмәти ҝөстәрә биләк, ҝөзәл, јахшы нәтиҹәси олан әнәнә јарадыб, јашадаг.
Сијаси мүбаризә мәним анламымда абыр, һәја галдырмаг дејил, халгын сијаси мәнлијини вә шүуруну бу мүстәвидә дүзҝүн тәмсил етмәкдир”.
Диггәт: Хәбәрдән истифадә етдијдә мәнбәјә истинад лазымдыр
