Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасынын 02.09.2012 тарихдә нөвбәти Баш Мәҹлиси кечирилди. Бу барәдә партијанын рәсми сајты Исламинсеси.аз хәбәр вериб.
Баш Мәҹлисин ҝүндәлијин Өлкәдә иҹтимаи-сијаси вәзијјәт вә бејнәлхалг аләмдә баш верән һадисәләр, ислам Шәһиди Һаҹы Вагиф Абдуллајевин хатирәсинин әбәдиләшдирилмәси, өтән Баш Мәҹлисдән сонра һәјата кечирилән тәдбирләр вә дахили мүзакирәләрин нәтиҹәләри, ордуда баш верән өлүм һалларынын артмасы вә ҹари мәсәләләр дахил едилмишдир.
Топлантыда , партијанын сәдр әвәзи Елчин Манафов, сәдрин сијаси мәсәләләр үзрә мүавини Акиф Һејдәрли, сәдрин биринҹи мүавини Ингилаб Әһәдли, иҹтимаи мәсәләләр үзрә мүавини Рөвшән Әһмәдли, Нәзарәт Тәфтиш Комисијасынын сәдри Фәјаз Нәбизадә, Исламчыларын Һүгугларынын Мүдафиә Комитәсинин сәдри Натиг Кәримов мүхтәлиф мөвзуларда чыхыш етдиләр. Чыхышларда натигләр, Һаҹы Вагиф Абдуллајевин шәһадәти, аным мәрасимләринин кечирилмәси, Ағстафа, Газах, Саатлыда јерли һүгуг-мүһафизә органларынын АИП-ин рајон комитәләринин конфрансларынын кечирилмәсинә манечилик төрәтмәләринә ҝөрә Республика Баш Прокуроруна, Дахили Ишләр Назирлијинә вә Милли Тәһлүкәсизлик Назирлијинә етираз мәктублары ҝөндәрилмәси, мөмин инсанларын тәгиб олунмасы, наһагдан зинданлара салынмасы, өлкәнин һәрби гүдрәтинин вәзијјәти, ордуда баш верән өлүм һалларынын артмасы мәсәләләри барәдә фикир ачыгладылар
Комитә үзвләри баш верән негативликләрин арадан галдырылмасындан өтрү дөвләтин рәсми органлары гаршысында етираз сәсләринин уҹадылмасыны зәрури һесаб етдиләр.
Диггәт: Хәбәрдән истифадә етдијдә мәнбәјә истинад лазымдыр
