Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Азәрбајҹандакы сәфирлијинин мәтбуат хидмәтинин рәһбәри Аббас Исҝәндәри билдириб: “Иран Ислам Республикасынын Азәрбајҹан вәтәндашлары үчүн тәтбиг етдији виза режими бу ҝүндән ләғв едилиб вә ики өлкә арасында ҝедиш-ҝәлиш визасыз баш тутаҹаг”.
О дејиб: "Азәрбајҹан вәтәндашлары артыг бу ҝүндән ИИР-а әввәлки гајдада визасыз ҝедиб-ҝәлә биләрләр".
Хатырладаг ки, Гошулмама Һәрәкатына үзв өлкәләрин дөвләт башчыларынын Зирвә ҝөрүшү илә әлагәдар олараг 5-31 август тарихидә Азәрбајҹан вәтәндашларынын бу өлкәјә сәфәр етмәләри үчүн виза режими тәтбиг едилмишди.
Азәрбајҹан вә ИИР арасында виза режими Иран Ислам Республикасынын тәшәббүсү илә 2010-ҹу илин феврал ајындан ләғв олунуб. Азәрбајҹан тәрәфи исә ИИР вәтәндашларындан виза алмагда давам едир.
Диггәт: Хәбәрдән истифадә етдијдә мәнбәјә истинад лазымдыр
