Әһли Бејт -АБНА- хәбәр аҝентлијинин вердији хәбәрә әсасән Гошулмама Һәрәкатына үзв өлкәләрин Теһранда кечирилән ХВЫ зирвә топлантысынын Јекун Бәјаннамәси үзв өлкәләрин хариҹи ишләр назирләринин иҹласында јекдилликлә гәбул олунуб.
Сәнәдин илкин мәтни өнҹәдән ишчи груплары тәрәфиндән разылашдырылараг тәсдиг едилиб. Иҹласа сәдрлик едән Иранын хариҹи ишләр назири Әли Әкбәр Салеһи чыхышында билдириб ки, өлкәси әсас принсипләрә һәр заман садигдир: “Тәмәл принсипләри бејнәлхалг аренадакы мөвгејимизи мүәјјәнләшдирмәк үчүн әсас мајак һесаб едирик. Бу ҝүн глобаллашма илә бағлы бир сыра проблемләр вар. Ихтилафлар вә гаршыдурмалар диҝәр саһәләрә дә тәсир едир. Она ҝөрә дә зиддијјәтләри сүлһ јолу илә һәлл етмәк лазымдыр”.
Гејд едәк ки, Јекун Бәјаннамәдә сијасәт, елм, тиҹарәт, нүвә силаһлары, террор, тәһлүкәсизлик кими мәсәләләр јер алыб. Һәмчинин сәнәддә мүстәгил дөвләтләрин дахили ишләринә гарышмаг, тәһдид, террор, күтләви информасија васитәләриндән гәрәзли мәгсәдләр үчүн истифадә етмәк, фәләстинли гадын вә ушагларын гәтлә јетирилмәси, Суријаја АБШ-ын биртәрәфли санксија тәтбиг етмәси дә гынаныб.
Диггәт: Хәбәрдән истифадә етдијдә мәнбәјә истинад лазымдыр
