Әһли Бејт -АБНА- хәбәр аҝентлијинин вердији хәбәрә әсасән Иран пајтахты Теһранда кечириләҹәк Гошулмајанлар Зирвәсинә 120-ә јахын өлкәнин иштирак етмәси ҝөзләнилир. Иштиракчылар арасында Сурија президенти Бәшәр Әсәд дә јер ала биләр.
Иран Ислам Республикасы 26-31 августдакы 16-ҹы Гошулмајаналар Һәрәкаты Лидерләр Зирвәсинә һазырлашыр. Зирвә үчүн јарадылан рәсми интернет сајтында јығынҹаға 120-ә јахын өлкәнин дәвәт едилдији ифадә едилир. Тәхминән 40 өлкәнин дөвләт вә ја да һөкумәт башчысы сәвијјәсиндә гатылмасынын ҝөзләнилдији зирвәдә БМТ баш катиби Пан Ҝи Мунун да гатылаҹағы гејд едилир.
Әлагәсизләр Һәрәкатынын дөнәм сәдрлијини Иран Ислам Республикасына тәһвил верәҹәк Мисирин зирвәдә президент Мәһәммәд Мурси тәрәфиндән тәмсил едиләҹәји ифадә едилир.
Зирвәјә дәвәт едиләнләр арасында Сурија президенти Бәшәр Әсәдин дә јер алдығы ифадә едиләркән, Әсәдин иштиракын һәлә дәгигләшмәдији билдирилир.
Али Дини Рәһбәр Ајетуллаһ Сејјид Әли Хаменеји ҹәнабларынын ачылыш нитги илә башлајаҹаг зирвәдә реҝионал вә бејнәлхалг ҝүндәми әһатә едән мөвзуларын мүзакирә олунаҹағы билдирилир.
Зирвә чәрчивәсиндә ҝөрүлән тәдбирләр дахилиндә пајтахт Теһранда рәсми идарәләрлә диҝәр бәзи тәшкилатларын 5 ҝүн мүддәтиндә тәтил едәрәк ишләмәјәҹәји ачыгланыб.
Диггәт: Хәбәрдән истифадә етдикдә мәнбәјә истинад лазымдыр
