Әһли Бејт -АБНА- хәбәр аҝентлијинин вердији хәбәрә әсасән бу ҝүн Ағыр Ҹинајәтләрә Даир Ишләр үзрә мәһкәмәдә кечирилән иҹласда дөвләт иттиһамчысы чыхыш едәрәк руһанијә 12 ил һәбс ҹәзасы верилмәсини истәјиб. Амма бу вахт Һаҹы Абҝүл Сүлејманов дөвләт иттиһамчысы илә разаылашмајараг кинајәли шәкилдә һакимдән она 14 ил ҹәза вермәсини истәјиб.
Бундан сонра вәкил Рүстәм Зүлфүгаров садаланан ҹинајәтләрлә бағлы Абҝүл Сүлејмановун һеч бир ҝүнаһынын олмадығыны, бәраәт едилмәсини истәјиб: "Шаһидләрин ифадәләринә истинадән билдирирәм ки, Абҝүл Сүлејманов сахланылдығы заман әлләринә гандал вурулуб. Гандал вурулдугдан сонра исә ҹибдән һәр шеј чыхартмаг олар. Диҝәр тәрәфдән 2 шаһид Абҝүл Сүлејмановун МТН-нин дедији јердә дејил, өз гајнатасынын евиндән тутулдуғуну билдирир.
Икинҹи мәсәлә Абҝүл Сүлејмановун евиндән наркотик вә сурсатын, әсҝәр палтарынын чыхмасыдыр. Абҝүл Сүлејманов өзү ифадәсиндә билдириб ки, Ирандан гајытдыгдан сонра евиндә тәмир ҝетдијинә ҝөрә о евдә јашамырлармыш. Јашајыш олмајан евдә тапылан наркотик вә сурсатын Абҝүл Сүлејманова мәхсус олмасына һеч бир дәлил јохдур. Иттиһам актында билдирилиб ки, евдән тапылан наркотик маддә сатыш мәгсәди илә олуб. Буну да һеч ҹрә сүбут едә билмәдиниз. Чүнки белә бир иш олмајыб. Бундан сонра вәкил Анар Гасымлынын гејдләриндән мәһкәмәнин хәбәри вар. Абҝүл Сүлејмановун евинә гапы кәсиләрәк ҝирилиб, вәкилин јахуд да һәр һансы бир нүмајәндәнин иштиракы олмадан евә ҝирилиб.
Үчүнҹү мәсәлә исә будур ки, иттиһам актында дејилир ки, Абҝүл Сүлејманов Тәһсил Назирлији гаршысында аксија тәшкил едиб. Өзүдә аксијада фәал иштирак едиб. Полис аксија заманы фәал 30 нәфәри сахламышды. Лакин бу сијаһыда Абҝүл Сүлејмановун ады јохдур. Бу о демәкдир ки, полис аксија заманы Абҝүл Сүлејмановда һәр һансы фәаллыг һисс етмәјиб.
Дөрдүнҹү мәсәлә исә Папанин адланан мәнтәгәдә чыхышы илә әлагәдардыр. Чыхыша ҝөрә бир нечә ајры-ајры чыхарышлар едилиб. Бунлардан биринҹиси милли-ирги ајры сечкиликдир. Һамыныз чыхышы динләмисиниз јахуд да мәтн формасында охумусунуз. Дејә биләрмисиниз Абҝүл Сүлејманов һансы милләти, ирги үстүн тутуб јахуд да ашағылајыб?! Һансы милләти һансы милләтлә дүшмән һесаб етмишдир?! Бундан сонра гејд олунуб ки, инсанлар тәһгир едиб. Бу заман һәмин шәхсләр мәһкәмәјә мүраҹиәт етмәли вә Абҝүл Сүлејмановдан шикајәтчи олмалыдыр. Мәһкәмәјә изаһ едилди ки, ҹиһад сөзү мүһарибә демәк дејил. Ҹиһад мүбаризә мәнасыны дашыјыр. Абҝүл Сүлејманов коррупсијадан, рүшвәтдән, мәмур өзбашыналығындан вә бу кими негатив һаллардан данышыб вә бунунла мүбаризә апарылмасы ҝәрәкдијини билдириб.
Бу садаланан иттиһамларын һеч бири илә разы дејилик вә Абҝүл Сүлејмановун бәраәт алмасыны истәјирик".
Һаким Абҝүл Сүлејмановун сон сөзә һазырлашмасы үчүн мәһкәмә иҹласыны август ајынын 10-ну саат 12:00-а тәјин едиб.
Диггәт: Хәбәрдән истифадә етдикдә мәнбәјә истинад лазымдыр
