Әһли Бејт -АБНА- хәбәр аҝентлијинин вердији хәбәрә әсасән Алманијанын “Frankfurter Rundschanu” гәзетиндә өлкәмиздә иҹтимаи-сијаси дурум, ев саһиблији етдијимиз бәднам “еуровисион” фәсад јарышмасындан сонракы вәзијјәтдән бәһс едән мәгалә јајымланыб.
Мәгаләдә “Азадлыг” радиосунун әмәкдашы, арашдырмачы-журналист Хәдиҹә Исмајыллын да ачыгламаларына јер верилиб. Гәзет јазыр ки, буилки бәднам “еуровисион” фәсад јарышмасы әрәфәсиндә Азәрбајҹанда инсан һагларынын позулмасы, сөз азадлығынын мәһдудлашдырылмасы һаллары даһа чох габардылды вә Авропа Јајым Бирлијинин һадисәләрә сәссиз галмасы тәнгид олунду.
Хәдиҹә Исмајыл да алман гәзетинә ачыгламасында АЈБ-ни тәнгид едиб. Арашдырмачы-журналистин сөзләринә ҝөрә, АЈБ бир аиләнин - Әлијев аиләсинин марагларына ујғун мөвге сәрҝиләјиб. Х.Исмајыл билдириб ки, бәднам “еуровисион”а һазырлыг әрәфәсиндә Азәрбајҹанын һаким аиләси бүтүн саһәләри монополијаја алды. Јалныз Әлијев кланы күлли мигдарда газанҹ әлдә етди. Азәрбајҹанлы журналист мусиги јарышмасындан сонра өлкәмиздә иҹтимаи-сијаси дурумун јахшылыға доғру дәјишиб-дәјишмәдијинә даир суала ҹавабында дејиб ки, һәр шеј олдуғу кими галыб. Инсан һүгугларыны мүдафиә едән фәаллара, журналистләрә јөнәлик тәһлүкә вә тәзјиг далғасы давам едир.
“Frankfurter Rundschanu” даһа сонра Хәдиҹә Исмајыла јөнәлик тәзјиг вә шантаж кампанијасыны да хатырладыб. Журналистин һаким аиләнин бизнес империјасыјла бағлы апардығы арашдырмалар сәбәбиндән чиркин тәзјигләрлә үзләшдији билдирилиб. Бүтүн бунлара бахмајараг Хәдиҹә Исмајылын пешәкар фәалијјәтиндән узаглашмадығы, әксинә, даһа да фәаллыг ҝөстәрдији вурғуланыб. Әлавә едәк ки, Хәдиҹә Исмајылын ачыгламалары Алманијанын бир нечә башга гәзетиндә дә тиржаланыб.
Диггәт: Хәбәрдән истифадә етдикдә мәнбәјә истинад лазымдыр
