Әһли Бејт -АБНА- хәбәр аҝентлијинин вердији хәбәрә әсасән Франсанын Ҝенневиллиерс Бәләдијјәси, Рамазан ајында оруҹ тутуғу үчүн ики мүсәлман аниматорун мүгавиләсини ләғв етдијини ачыглајыб. Бәләдијјәдән верилән мәлуматда, јаз дүшәрҝәсиндә тәлимчи олараг ишләјән ики аниматорун оруҹ һалда ушагларын тәһлүкәсизлијини тәмин едә билмәјәҹәкләри иддиа олунуб.
Гејд едәк ки, Бәләдијјә, бундан әлавә иш мүгавиләсиндә аниматорларын ушагларла бирликдә јемәк вә ичмәк шәртинин олдуғуну вә онларын буна зидд даврандығыны ачыглајыб. Иш мүгавиләсиндә ушагларла бирҝә јемәк вә ичмәк шәртинин гојулмасыјла әлагәдар данышан бәләдијјә рәсмиси Николе Варет, 3 ил әввәл дә ејни вәзијјәтлә гаршылашдыглары сөјләјиб.
Аниматорларын вәкили Моһанд Јанат исә, атылан бу аддымын һеч бир мәна вермәдијини вә гәрарын әсассыз олдуғуну ачыглајыб. "Дини өһдәчилијини јеринә јетирән бир инсанын кимәсә зијан вурмасы әсассыздыр"-дејә вәкил әлавә едиб.
Мәсәләјә мүнасибәт билдирән Франса Мүсәлман Шурасынын рәһбәри Абдуллаһ Зәкри исә, јерли бәләдијјәни ајры-сечкиликчилик јаратдығы үчүн гынајыб. Дин азадлығынын ән фундаментал һаггларын әввәлиндә олдуғуну сөјләјән Зәкри, дининә әмәл едән инсанын һеч кимә зијан вура билмәјәҹәјини вурғулајыб.
Бу арада Франса Мүсәлман дәрнәкләринин шәнбә ҝүнү Ҝенневиллиерс Бәләдијјәси гаршысында етираз јүрүшү кечирәҹәји билдирилир.
Диггәт: Хәбәрдән истифадә етдикдә мәнбәјә истинад лазымдыр
