Әһли Бејт -АБНА- хәбәр аҝентлијинин вердији хәбәрә әсасән Русија хариҹи ишләр назири Серҝеј Лавров, " Сизҹә, Түркијә, Сурија илә сәрһәди нијә бағлады" суалына, "Түркијәнин вердији бу гәрары арашдырырыг. Биздә олан мәлуматлара ҝөрә сәрһәд-кечид мәнтәгәләри Сурија тәрәфиндән мүхалиф групларын нәзарәтинә кечиб. Мүхалиф анлајышы чох ҝенишдир. Бәзи мәлуматлара ҝөрә сәрһәддәки бу груплар Әл Гаидә террорчуларыдыр.", - дејә ҹаваб вериб.
Москвада Јунан Кипринин хариҹи ишләр назири Ерато Козаку Маркулли илә ҝөрүшән Лавров, даһа сонра мәтбуат конфрансы тәшкил едиб. Гәрб өлкәләри, Бәшшар Әсәдин назирләринә гаршы кечирилән террор әмәлијјатыны писләмәмәсини гејд едән Лавров билдириб ки, БМТ Тәһлүкәсизлик Шурасы вә Гәрб өлкәләри бунунла, Сурија бизим истәдијимиз истигамәтдә аддым атана гәдәр бу ҹүр террор әмәлијјатларыны дәстәкләјәҹәјик демәк истәјир. Бу бизи нараһат едир.
Авропа Бирлијинин Суријаја гаршы бир тәрәфли санксија гәрарынын Ҹеневрәдә имзаланан мүгавиләјә дә зидд олдуғуну билдирән Лавров, "Биз бир тәрәфли санксијалара гаршыјыг. Биз бүтүн проблемләрин ортаг мүзакирә илә һәлл едилмәсинин тәрәфдарыјыг. Суријадакы проблемин һәлл едилмәси үчүн һәм һөкумәтә, һәм дә мүхалифәтә бәрабәр шәкилдә тәзјиг едилмәлидир.", - дејиб.
Диггәт: Хәбәрдән истифадә етдикдә мәнбәјә истинад лазымдыр
