Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Ислам Партијасы (АИП) Мјанмада (кечмиш Бирма) мүсәлман гәтлиамы илә әлагәдар етираз бәјанаты јајыб.
Партијанын мәтбуат хидмәтиндән верилән мәлумата ҝөрә, бәјанатда билдирилир ки, дүнјада баш верән зүлм вә гәтлиамларын арды-арасы кәсилмир. Бу, инсанлыг үчүн бөјүк имтаһан дөврүнүн башланмасындан хәбәр верир. Фәләстиндә, Ирагда, Әфганыстанда, сон ҝүнләрдә исә Суријада шејтанын фитнә-фәсады илә мүсәлманларын күтләви мәһв едилмәси бәшәријјәтә ачыгҹа хәбәрдарлыгдыр.
"Даһа бир аҹы хәбәр Ҹәнуби Асија өлкәси Мјанмадан ҝәлир. Ики милјондан артыг мүсәлманын јашадығы бу буддистләр өлкәси Мәһәммәд (с) үммәти үчүн ҹәһәннәмә дөндәрилиб. Рәһмсизлик әршә галхыб. Мүсәлман гоҹа, гадын, көрпәләри сојгырыма мәруз гојулараг күтләви басдырылыр. Дүнјаја иргчилик тохумунун сәпилмәсинә, инсанлыға гәним кәсилмәсинә өлкәнин кәшфијјат органлары, полис әмәкдашлары мүнбит шәраит јарадырлар", - сәнәддә дејилир.
Гејд олунур ки, БМТ, дүнјанын ҝүҹ мәркәзләри мүсәлманлара гаршы јөнәлдилмиш ҹинајәткарлыға мүдахилә етмәли, хүсусән, Мјанмада сон ҝүнләр баш верән күтләви, дөвләт сәвијјәли ҹинајәткарлығын гаршысыны алмаг үчүн өлкәнин рәсми тәшкилатларына реал вә оптимал тәзјигләр ҝөстәрмәлидирләр: "Чүнки дүнја низамыны позмаға, инсанларын сүлһ вә әминаманлыг шәраитиндә јашамаг һүгугларыны әлләриндән алмаға чалышан террорчу груплар сәһнәархасы гүввәләрин, хүсусән дүнја сионизминин һимајәси алтында балансы өз хејирләринә дәјишмәјә, мүсәлманлары физики ҹәһәтдән мәһв етмәклә ислама зәрбә вурмаға наил олмаг истәјирләр".
Диггәт: Хәбәрдән истифадә етдикдә мәнбәјә истинад лазымдыр
