Әһли Бејт -АБНА- хәбәр аҝентлијинин вердији хәбәрә әсасән Азәрбајҹанын иҹтимаи вә сијаси аренасында Һаҹы Вагиф Абдуллајев вә һаҹы Мөвсүм Сәмәдов кими тәсиредиҹи шәхсијјәтләрин варлығы үмид јарадыр.
АИП-ин сәдр мүавининин шәһадәтинин һүгуги аспектләринин арашдырылмасы иҹласында чыхыш едән Азәрбајҹан Республикасындан олан руһани һөҹҹәтүл-ислам Сәдуги, мәрһум һаҹы Вагиф Абдуллајеви дәјәрли шәхсијјәт адландырараг дејиб: "Мән бу мүҹаһид азәрбајҹанлынын шәһадәтини имам Заман (әҹ.) ағаја вә Али Дини Лидер Сејјид Әли Хаменеијә башсағлығы верирәм".
Азәрбајҹанлы руһани Азәрбајҹанын иҹтимаи вә сијаси аренасында Һаҹы Вагиф Абдуллајев вә һаҹы Мөвсүм Сәмәдов кими тәсиредиҹи шәхсијјәтләрин варлығынынын үмидвериҹи олдуғуну билдирәрәк, бу сәбәбдән јахын ҝәләҹәкдә өлкәдә әсаслы дәјишикликләрин олаҹағына үмид етдијини билдирди.
Һөҹҹәтүл-ислам Сәдуги Иран вә Азәрбајҹанын бир-биринә гаршылыглы вә гәдим тәсиринә, "Мәшрутијјә" гәһрәманлары Сәттәрхан вә Сигәтүлисламын анылмасына тохунараг деди: "Бу шәхсләр о заманлар Иранда олан зүлмкарлыға гаршы мүбаризә апардылар, бу ҝүн дә Азәрбајҹан Республикасында исламчылар зүлмүн гаршысында мүгавимәт ҝөстәрирләр ".
Азәрбајҹанлы руһани Азәрбајҹанда диндарларын әсассыз вә ҝүлүнҹ иттиһамларла һәбсинин тәәссүф доғурдуғуну билдирди вә бу иҹласын мөвзуси олан бејнәлхалг инсан һагларына риајәт едилмәмәсинә тохунараг деди: "Азәрбајҹанда бејнәлхалг ганунлар, о ҹүмләдән мәһбусларын һүгуглары конвенсијасынын 22 вә 24-ҹү маддәләри ашкар сурәтдә позулур".
Диггәт: Хәбәрдән истифадә етдикдә мәнбәјә истинад лазымдыр
