Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасынын ҹәза чәкмә калонијасында наһһаг јерә һәбс едиләрәк сахланылан АИП сәдр мүавини Вагиф Абдуллајевин шәһадәти илә бағлы Иран Ислам Республикасынын Тәбриз вә Әрдәбил әјаләтләринин Имам Ҹүмәләри өз Ҹүмә Хүтбәләриндә баш сағлығы вермишләр.
Белә ки, Ајәтуллаһ Мүҹтәһид Шәбүстәри бу һәфтәки ҹүмә намазынын хүтбәләриндә АИП-ин сәдр мүавининин шәһадәтинә ишарә едәрәк дејиб: “Һаҹы Вагиф инанҹлы диндар вә Азәрбајҹанда һиҹаб мүдафиәчиси иди. Һиҹаб гадағасына етираз етдији үчүн ону һәбс етмишдиләр вә о һәбсханада шәһадәтә јетиб”.
Имам ҹүмә мәрһум һаҹы Вагифи шәхсән танымасыны да вурғуламагла јанашы дејиб: “О, әмәлдә Исламын садиг ардыҹылы иди вә она ҝөрә дә азәрбајҹанлы диндарлар арасында өнәмли шәхсијјәтләрдән һесаб олурду”.
Ајәтуллаһ Шәбүстәри АИП функсионеринин һәбсханада шәһид олмасына да тохунараг дејиб: “Дүнјанын һеч бир јериндә хәстәни һәбсханада сахламаг иҹазәли дејил. Лакин, тәәссүфләр олсун ки, һаҹы Вагиф һәбсхана тәзјигләриндән ирәли ҝәлән бәрк хәстә олмасына бахмајараг, зинданда сахланылды вә шәһид олду”.
Имам ҹүмә сонда мүбарәк Рамазан ајында Азәрбајҹан Республикасынын мүсәлманлары үчүн фәрәҹ вә гуртулуш јолу арзулајыб.
*** *** ***
Әрдәбилин Ҹүмә намазынын Рәһбәри дә, бу һәфтәки ҹүмә намазынын хүтбәләриндә Вагиф Абдуллајевдән данышыб.
Имам Ҹүмә Вагиф Абдуллајеви әмр бе мәруф шәһиди адландырыб вә онун һәбсханада шәһадәтә јетмәсинә ишарә едәрәк дејиб: “Һаҹы Вагиф, һәкимләрин онун физики дурумунун ағыр вә хәрчәнҝ хәстәлијинә тутулмасыны билдирдикләри һалда шәһид олду”.
Бу шәһидин тәгсири һиҹабы мүдафиә етмәси иди вә она ҝөрә дә 11 ил Азәрбајҹан Республикасынын горхунҹ зинданларында һәбс ҹәзасы чәкмәсинә мәһкум олунмушду- дејә, имам ҹүмә билдириб.
Гејд едәк ки, Азәрбајҹан Ислам Партијасынын сәдр мүавини кечән һәфтә һәбсханада шәһид олуб.
Диггәт: Хәбәрдән истифадә етдикдә мәнбәјә истинад лазымдыр
