Әһли Бејт -АБНА- хәбәр аҝентлијинин вердији хәбәрә әсасән Бангладешин пајтахты рәсми Дәккә елан едиб ки, әзаб вә әзијјәтдән гачараг Бангладешә сығынан вә бу өлкәдән сығынаҹаг истәјән Руһингија мүсәлманларыны Мјанма дөвләти ҝери чағырмалыдыр.
Бангладешин хариҹи ишләр назири Дипо Мони дејиб: Бизим өлкәмиз гачгынларын гајытмасы үчүн Мјанмара јардым едә биләр. Һалбуки, мүсәлманларын бу групунун Мјанмаја гајыдышы он илләрдир дурғун вәзијјәтдәдир.
Рәсми Дәккәнин бу бәјанаты, Руһингијада олан вә азлыг сајылан мүсәлманларынын өлдүрүлмәси вә етник тәмизләнмәси барәдә нараһтлыглары артмагдадыр.
Бангладешин ХИН рәһбәри Мјанмар дөвләтиндән сон алты һәфтәдәки гәддарлыға сон вермәји вә руһингијалы јүзләрлә мүсәлманын ҹанын хилас етмәји истәјиб.
Бангладеш Руһингија гачгынларыны гејри-гануни мигрант сајыр.
Мјанма президенти Тин Син өтән ҹүмә елан едиб ки, Руһингија мүсәлманлары бу өлкәдән чыхарылмалы вә БМТ-нин чадыр шәһәрҹикләринә јерләшдирилмәлидирләр.
Мјанма дөвләти мүсәлманлары рәсмән бу өлкәнин вәтәндашы кими танымагдан чәкинир вә иддиа едир ки, онлар гејри-гануни мигрантдырлар. Әслән фарс, түрк, бенгал вә пуштун олан Руһингија мүсәлманлары миладын 8-ҹи әсринин әввәлләриндә Мјанмаја көчмүшләр.
Бүтүн бунларла јанашы, Мјанмада демократијанын рәмзи сајылан Онг Сан Сочи дә Руһингија мүсәлманлары әлејһинә ҹинајәтләр гаршысында сусмушдур.
БМТ билдириб: Он илләр бојунҹа мүсәлманлара гаршы ајрысечкилик Руһингија мүсәлманларыны јурд-јувасыз етмишдир. Мјанма онларын гајыдышы үчүн мәһдудијјәтләр тәтбиг етмиш вә онлары торпаг, тәһсил вә коммунал хидмәтләрдән мәһрум етмишдир.
Верилән мәлуматлара әсасән, ијунун 10-дан 28-ә гәдәр, Руһингијада 650 мүсәлман мәзлумҹасына өлдүрүлүб. Һабелә 1,200 нәфәр иткин дүшүб вә онларын 80,000 нәфәрдән чоху гачгына чеврилмишләр.
Диггәт: Хәбәрдән истифадә етдикдә мәнбәјә истинад лазымдыр
