Әһли Бејт -АБНА- хәбәр аҝентлијинин вердији хәбәрә әсасән Азәрбајҹанда мөвҹуд режим тәрәфиндән Наркотик Маддә илә ШӘРРЛӘНӘН руһани Һаҹы Илгар Әлијевлә бағлы Исламазери.аз-ын хүсуси мүхбири Ҹәлилабад руһаниләринә, ағсаггалларына мүраҹиәт едиб.
Һаҹы Илгарла бағлы Ҹәлилабад руһаниләри вә ағсаггалынын фикирләрини тәгдим едирик:
Һаҹы Мирраһиб. Ҹәлилабад руһаниси: "Мән Һаҹы Илгарла тәләбә јолдашы олмушам. 30 илдән артыгдыр ки, танышыг. Истәр дүнјави, истәрсә дә дини ҹәһәтдән чох савадлыдыр. Илгарын тәрбијјә вердији ҝәнҹләрин һеч бири наркотикә јахын белә ҝетмир вә ҝетмәз. О ҝәнҹ нәслә әхлаг, мәнәвијјат, милли руһ, вәтәнпәрвәрлик, ҝөзәл тәрбијјә ашылајыб. Мән Бакыда “Ҝөј” (Әждәрбәј) мәсҹиддә 16 ил фәалијәт ҝөстәрмишәм. Һаҹы Илгар ҝәлди, бир јердә ҝетдик Шејх Аллаһ шүкүр Пашазадә илә ҝөрүшә. Һиҹаб гадағасы илә бағлы чох нараһат иди. Неҹә ки, вәтәнини мүдафиә етмәјән инсан шәрәфсиз олур, динин дә мүдафиә етмәјән инсан шәрәфсиз инсан олар. Биз һәм динимизи һәм дә вәтәнимизи мүдафиә етмәлијик. Бу јолда Һаҹы Илгарын бөјүк фәалијјәти олуб. Һаҹы Илгар өз билији илә ҝетди Ленинградда университетә дахил олду. Атасы исә деди ки, мән хејир дуамы вермәјәҹәм. Сән руһани олмалысан, динимизи горумалысан. Атасынын бир сөзү илә бүтүн хәјалларыны гојду кәнара, башлады дини тәһсил алмаға. Дүнјави елмләрдә неҹә габаға ҝедирдисә, дини тәһсил аланда да чох ирәли ҝедирди. Һәм савадлы, һәм дә әмәл саһиби олдуғуна ҝөрә бу ҝүн чох бөјүк һөрмәтә саһибдир. Бу ҹүр шәхсијјәтләри апарыб зинданда чүрүтмәк, вәтәнә бәла ҝәлдијинә ишарәдир. Мән Илгар вә онун кимиләрин зинданда сахланылмасына чох нараһатам.
Кимләринсә сифариши илә руһаниләри, диндарлары һәбс едирләр. Она ҝөрә дә Азәрбајҹанда наркоманија сүрәтлә артаҹаг. Она ҝөрә дә фәсад, ојунбазлыг, инсан алвери артаҹаг. Руһани бунларын әлејһинәдир. Сиз алими тутурсунуз ки, фәсадын гаршысын алан олмасын. Анд олсун Аллаһа, Һаҹы Илгар кими руһани Азәрбајҹанда 2-3 нәфәр ола ја олмаз. Мән буну онунла дост олмағыма ҝөрә јахуд да зинданда олмасына ҝөрә демирәм. Ики дәнә хәтт вар. Бири Аллаһ, диҝәри исә шејтан јолу. Инди Аллаһ јолуна дәвәт едәнләри тутуб салырлар зиндана, шејтан јолунун габағын ачырлар. Бу һеч јахшы нәтиҹә вермәјәҹәк. Аллаһ һаҹынын гапышын ачсын."
Һаҹы Адыбөјүк. Ҝөјтәпә руһаниси: "Һаҹы Илгары салеһ бир инсан, мөмин, пак бир адам кими таныјырыг. Истәр иҹтимаи фәалијјәтдә истәрсә дә ҹәмијјәтдә, һәр јердә фајдалы бир инсандыр. Мөмин гардашдыр. Һаҹы Илгар иттиһам олундуғу наркотикин һарам олдуғуну тәблиғ едән адам олуб. Наркотикин иҹтимаи фәсадларындан чох данышыб. Һәмишә онун әксинә олуб. Мүмкүн дејил ки, о ҝедә белә ишлә мәшғул ола. Һәгигәтдә Һаҹы Илгар Аллаһ бәјән бир шәхсдир. Мөмин бир инсан иди. Һамымыз онун һәбсиндән нараһатыг. Һамымыз тәәссүфләнирик. Һаҹы Илгар һәмишә демәк олар ки, Гурандан һимајәт едиб, һәмишә Аллаһын һарамларыны һарам, һалларыны да һалал билиб. Һиҹаб гадағасы заманы Ҹ'лилабадда чыхышлар едиб. Һиҹаб вә саир мәсәләләрдә һәмишә Һаҹы Илгар Ҹәлилабадда һамыдан өндә олуб. Һамыдан биринҹи мүдафиә едиб, о мәсәләләрә өз етиразларыны билдириб. Гаршыдан Рамазан ајы ҝәлир. Бу ај Аллаһын рәһмәт ајыдыр, бәрәкәт ајыдыр, мәғфирәт ајыдыр. Бу ајда һәм рәһмәт вар, һәм бәрәкәт вар, һәм дә бағышланмаг вар. Аллаһдандан бу 3 шеји ҹәми мүсәлманлара арзу едирәм. ИншАллаһ Аллаһ зинданда, әсарәтдә олан мүсәлман гардашларымызы азад едәр бу Рамазанда".
Һаҹы Һаҹыаға. Ҹәлилабад Руһаниси: "Һаҹы Илгары мән ушаг вахтындан таныјырам. Диндар аиләдә бөјүјүб. Гејрәтли, шүҹаәтли, мәрд, вәтәнпәрвәр бир инсандыр. Реҝионда һөрмәт саһиби олан инсанлардандыр. Аллаһын һалал вә һарамларыны ҹамаата баша салан бир инсанын наркотик маддә илә иттиһам олунмасы өзү бир ҹинајәтдир. Алимин һөрмәтини ашағы салмаға чалышырлар. Алимләр елм охујуб бејинләри дурулуб, амма ҝөрүрсән елә адамлар вар ки, һәлә дә бејинләри думанлыдыр. Она ҝөрә дә алимин дедијин һеч вахт баша дүшә билмир. Алими һәбс еләмәк истәјирсәнсә ҝәрәк әввәл Аллаһы, сонра Пејғәмбәр вә Әһли-бејти, даһа сонра Гураны вә нәһајәт сонда алими һәбс едәсән. Чүнки алимин данышдыглары бунлардан кәнар дејил. О, нә дејирсә Аллаһдан, Пејғәмбәриндән, Гуран вә Әһли-бејтиндән дејир, онларын дедикләрини чатдырыр, өзүндән бир сөз демир. Аллаһ зиндан олан Илгар вә диҝәр гардашларымызын гапышын ачсын. Аллаһ халгымызын думанлы бејинләрини дурултсун."
Һаҹи Субһан. Ҝөјтәпә руһаниси: "Мән Һаҹы Илгары 1994-ҹү илдән таныјырам. Ҝөзәл тәблиғатчы әгидәсиндән дөнмәјән руһанидир. Вәфалы бир инсандыр. Бөлҝәдә танынмыш шәхсләрдәндир. О чыхышларында Ислама гаршы атылан аддымлары гынајырды. Шәһид Мүбаризин евинә ҝетмәјидә о тәсис етмишди. Аллаһ гапышын ачсын. Дәјәрли истифадә олуна билән руһаниләримиздәмдәндир".
Һаҹы Мирәләм Салманов Ҹәлилабад Шәһидләр мәсҹидинин ахунду: "Һаҹы Илгар бизим ән јахын мөмин гардашларымыздан биридир. О чох ҝөзәл инсандыр. Халгын севән бир адамдыр, милләтин севән бир адамдыр. Ејни заманда чох ҝөзәл бир валидејндир. Реҝионда танынмыш савадлы руһаниләримиздән биридир. Сејјид Мүбаризин шәһид олмасындан сонра Һаҹы Илгарын тәшәббүсү илә чох сајда инсан Мүбаризин евинә зијәрәтә ҝетмишди. Орда да шәһидликлә бағлы чох ҝөзәл бир чыхыш етмишди. О, һиҹаб гадағасы вә кечирилмәси планлашдырылан ҝеј парадла бағлы сәрт чыхышлар етмишди. Наразылығыны хүтбәләриндә билдирирди. Биз истәрдик ки, гаршыдан ҝәлән мүбарәк Рамазан ајында Һаҹы Илгар азадлыгда олсун. Бир јердә отуруб дәрдләшәк, ондан бәһрәләнәк."
Һаҹы Миралим Салманов Ҹәлилабад руһаниси: “Мән Һаҹы Илгары чохдан таныјырам. Онун Ислама, вәтәнә, ҹәмијјәтә чохлу хидмәтләри олуб. О Совет дөнәминдән дини тәһсил алыб. Онун һәбсидә бу фәалијјәтләринә ҝөрә олуб. Алимди, мөмин адамды. Онун һәбси һәм мәни, һәм дә бүтүн һагг севәрләри нараһат едиб. Биз онун һәбс олунмасыны гынајырыг. Рамазан ајы ҝәлиб. Рәһмәт ај, мәрһәмәт ајы ҝәлиб. Аллаһдан истәјирик ки, шәрләнәк һәбс олунан алимләримиз, гардашларымыз, диндарлар тезликлә зиндандан бурахылсын, һәгиги ҹинајәткарлар һәбс олунсунлар. Һәбсхана онларын јеридир".
Һаҹы Мирәзиз. Ҹәлилабад руһаниси: "Һаҹы Илгар чох етигадлы руһанидир. Аллаһ ону горусун, һифз етсин, Аллаһ гапышын ачсын".
Машаллаһ. Ҹәлилабад “Милли Гәһрәманлары Танытдырма Бирлији”нин сәдри: "Мән бу инсаны ҝәнҹлик илләриндән таныјырам. Мәнәвијјатлы, әхлаглы, вәтәнпәрвәр инсандыр. Әсл дин хадимидир. Биз ондан анҹаг әхлаги дәјәрләри өјрәнирдик. Ајдын мәсәләдир ки, о адам шәрләнәрәк һәбс олунуб."
Һаҹы Әлимәһәммәд Һәсәнов. Ҝөјтәпә ағсаггалы: "Ҹәлилабадын 20 миндән чох әһалиси вар. Каш 20 миндән 3-4 нәфәри Һаҹы Илгар кими олајды. Дул гадынлара јардым едирди, јетим ушаглара баш чәкирди. Мәшһәдә ҝетмәк истәјәнләри Мәшһәдә ҝөндәрирди. Дејирди ки, Мәшһәдә ҝетмәјән галмасын. Мәним кими јашлылара һөрмәт едирди. Мәним 70 јашым вар. Мән бу јашыма гәдәр бир дәфә о ҹүр инсан ҝөрмүшәм. Кимләр ки, ону шәрләјәрәк һәбс едиб, ону инҹидирләр Аллаһ онлары зәлил етсин. Мән бундан башга нә дејә биләрәм."
Диггәт: Хәбәрдән истифадә етдикдә мәнбәјә истинад лазымдыр
