Бу барәдә Иран Ислам Ингилабынын Али лидери ајәтуллаһ Сејид Әли Хамәнеи билдириб.Онун сөзләринә ҝөрә, Ирана гаршы узун илләр әрзиндә тәтбиг едилән санксијалар Гәрбин тәзјигинә гаршы мүбаризә апармаг имканы јарадан өлкә игтисадијјатынын инкишафына тәкан верән амилдир.”Биртәрәфли вә бејнәлхалг ганунвериҹилијә зидд санксијаларын тәтбиги Гәрбин гејри-гануни аләтидир. Бунун көмәји илә о, Ислам Республикасына тәзјиг ҝөстәрмәјә вә зәрәр вурмаға чалышыр. Сон илләр әрзиндә Гәрб Иранын нүвә програмы һәјата кечирмәси бәһанәси илә Ислам Республикасында бөһран јаратмаға чалышыр. Бу ганунсузлуғун ән сон һәдди Иранын нефт вә банк секторуна гаршы јөнәлдилмиш санксијаларын сәртләшдирилмәси олду. Сон илләр әрзиндә бизим игтисадијјатын инкишафына мане олмаг мәгсәди илә онлар һәр јола әл атыр, ачыг вә ҝизли психоложи вә игтисади һүҹумлар едир. Иран өз мүстәгиллијини вә дөвләтчилијини садәҹә ҝүнбәҝүн өз потенсиалыны артырмагла горујуб”, - ајәтуллаһ Хамәнеи дејиб.
16 iyul 2012 - 19:30
Xəbər kodu: 329767
Ајәтуллаһ Хамәнеи: "Гәрбин санксијалары вә тәһдидләри Иранын инкишафы үчүн стимула чевирилиб"
