Ермәнистан силаһлы гүввәләринин ијулун 15-и ҝеҹә саатларында ачдығы атәш нәтиҹәсиндә милли ордумузун һәрби гуллугчусу јараланыб. Онун нејтрал әразидә галдығы билдирилир. Бу сәбәбдән дә һәмин әразијә бахыш кечирмәк мүмкүн олмајыб. Әсҝәрин ахтарышлары һәләлик нәтиҹә вермәјиб.Бу ҝеҹә ҹәбһәнин Товуз истигамәтиндә Ермәнистан ордусунун ачдығы атәш нәтиҹәсиндә Азәрбајҹан силаһлы гүввәләринин даһа бир һәрби гуллугчусу вурулуб. Бу әслән Тәртәр рајонунун Сејдимли кәндиндән олан вә мүддәтдән артыг хидмәт едән Оруҹов Елчин Рагуф оғлудур. Аилә үзвләриндән алдығымыз мәлумата ҝөрә, һадисә ҝеҹә саат 22:00 радәләриндә баш вериб.Гоһумларынын сөзләринә ҝөрә, Елчин Оруҹов јараландыгдан сонра телефон васитәсилә бир нечә дәфә гардашына вә атасына зәнҝ едиб.Гејд едәк ки, һадисә Товуз рајонунун Гаралар кәнди истигамәтиндә баш вериб. Һадисәнин һансы шәраитдә баш вердији барәдә исә һәләлик дәгиг мәлумат јохдур. Һәрби һиссәдән јаралынын јахынларына билдирилиб ки, һазырда Елчин Оруҹовун ахтарышлары давам едир.
16 iyul 2012 - 19:30
Xəbər kodu: 329656
Ермәнистан силаһлы гүввәләринин ијулун 15-и ҝеҹә саатларында ачдығы атәш нәтиҹәсиндә милли ордумузун һәрби гуллугчусу јараланыб
