Әһли Бејт -АБНА- хәбәр аҝентлијинин вердији хәбәрә әсасән Исламчы журналист Ниҹат Әлијевин вәкили Анар Гасымлы Азадхебер.орҝ сајтына мүсаһибә вериб. Вәкил Анар Гасымлы билдириб ки, Ниҹат Әлијев 07 Ијул тарихиндә Јасамал рајон Баш Полис идарәсинә ҝәтирилиб вә һазырда Идарәдә сахланылыр. Вәкилин дедикләринә ҝөрә, Республика Нарколожи Диспансери Ниҹат Әлијевлә бағлы рәј билдириб. Рәјә әсасән, журналист Ниҹат Әлијев наркоман дејил. Анар Гасымлы билдириб ки, журналист илкин ифадәсиндән имтина етдикдән сонра јенидән ифадәси алынмајыб. Баш редакторун һәбси заманы ҝөтүрүлән шәхси автомобил, ноутбук вә 900 манат мәбләғиндә олан пул барәсиндә һәләлик бир мәлумат јохдур.
Гејд едәк ки,Азадхебер.орҝ сајтынын баш редактору Ниҹат Әлијев мај ајынын 20-дә һәбс олунуб. Журналист ҸМ-нин 234.1 маддәси илә (ганунсуз олараг наркотик васитәләри, псохотроп маддәләри вә ја прекурсорлары һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) иттиһам олунур. Барәсиндә 2 ај мүддәтиндә һәбс гәтимкан тәдбири сечилән журнлаист Бакы Истинтаг Тәҹридханасында сахланылыр.
Диггәт: Хәбәрдән истифадә етдикдә мәнбәјә истинад лазымдыр
