Әһли Бејт -АБНА- хәбәр аҝентлијинин вердији хәбәрә әсасән Иран Ислам Республикасынын Хариҹи Ишләр Назирлијинин рәсми нүмајәндәси Рамин Меһманпәрәст һәфтәлик мәтбуат конфрансы заманы ачыгламасында белә билдириб: “Иран Ислам Республикасына гаршы санксијаларын тәтбиги вә тәзјигләр “алтылыгла” нүвә данышыгларына мәнфи тәсир ҝөстәрәҹәк”.
Онун сөзләринә ҝөрә, Иран Ислам Республикасы Нүвә Силаһынын Јаылмамасы барәдә Разылашмаја (НСЈР) там әмәл едир.
Ҹәнаб Меһманпәрәст чыхышынын давамында дејиб: “Иран Ислам Республикасынын динҹ нүвә програмы МАГАТЕ-нин нәзарәти алтында там шәффаф шәкилдә һәјата кечрилир. Нүвә проблеминин мәнтиги һәллини ахтардығыны ҝөстәрән Гәрб өлкәләри, әслиндә әкс фәалијјәт апарыр. Ислам Республикасы өз нүвә програмынын динҹ характерли олмасы илә бағлы Гәрбин нараһатлыгларыны арадан галдырмаг үчүн һәртәрәфли әмәкдашлыға һазыр олдуғуну ҝөстәрир. ИИР тәрәфинин етибарыны газанмаг үчүн Гәрб мүәјјән аддымлар атмалыдыр, халгымызын һүгуглары там шәкилдә танынмалыдыр”.
Диггәт: Хәбәрдән истифадә етдикдә мәнбәјә истинад лазымдыр
