Аллаһын ады илә
Азәрбајҹан Республикасында игтидар тәрәфиндән исламчылара гаршы ҝизли вә ачыг коммунист репрессијалары, исламафобија давам етмәкдәдир.
Шәр вә бөһтаны өзүнә пешә етмиш игтидар мәмурлары һәбсханада јатан исламчыларын сусдурулмасы вә көләлијә бојун әјмәси үчүн инсанијјәтә зидд бүтүн методлардан истифадә едир. Буна нүмунә олараг, АИП функсионери Вагиф Абдуллајевин ағыр хәстәлик һалында һәлә дә ҝүнаһсыз олараг зинданда сахланылмасыны ҝөстәрә биләрик. Бу рәфтарлар һеч бир өлчүјә сығмыр. Һәмчинин, башга бир исламчы, инанҹлы фәал Меһди Мәммәдова ҝизли гапылар архасында охунан сифаришли һөкмүн дә Аллаһ дәрҝаһында вә виҹданлы инсанларын нәзәриндә ифтира олдуғу ајдындыр. Игтидар бу вә бу кими инанҹлы, әгидәли, азадлыгсевәр, шүҹаәтли вә гејрәтли гардашларымызын зинданда башына ҝәтирилән һәр бир бәлаја бирбаша ҹавабдеһдир. Унутмаг лазым дејил ки, бу инсанлар өз мүсәлман халгынын дәрд-гәми, намус-гејрәти јолунда зиндана дүшүбләр. Онлар һәмишә вә һәр ан мүсәлман халгымызын гәлбиндәдир!
Һүгуг Мүдафиә Комитәси олараг, бир даһа игтидары, өлкәмиздә Ислама вә исламчылара гаршы ағыр тарихи ҹинајәтләрә сон гојмаға чағырыр, бу фаҹиәнин агибәти һаггында дәриндән дүшүнмәјә дәвәт едирик! Мәрди гова-гова намәрд етмәк истәјирсиниз! Амма мүсәлман халгын гәһрәман оғуллары сон нәфәсләринә гәдәр мәрд олараг галаҹаглар! Буну бизә Гуран вә Әһли-Бејт (ә) мәктәби өјрәдир!
Мүдафиә Комитәсинин мәтбуат хидмәти
28 ијун, 2012
Диггәт: Хәбәрдән истифадә етдикдә мәнбәјә истинад лазымдыр
