Әһли Бејт -АБНА- хәбәр аҝентлијинин вердији хәбәрә әсасән “Азадхебер.аз” сајтынын баш редактору Ниҹат Әлијевин вәкили Анар Гасымлы һүгугларыны мүдафиә етдији тәрәфлә бағлы гондарма истинтаг һәрәкәтләринин апарылмамасындан шикајәтчидир.
Мүдафиә тәрәфи дејиб ки, һазырда баш редакторла бағлы һеч бир истинтаг иши апарылмыр: “Садәҹә, Ниҹат Әлијеви Республика Нарколожи Мәркәзинә апарыб ондан ган анализи ҝөтүрүбләр ки, наркотик маддә алудәчилији јохланылсын. Бу, ики һәфтә әввәл олуб, амма һәлә ҹаваб верилмәјиб”.
Даһа сонра Анар Гасымлы билдириб ки, Ниҹат Әлијевин илкин ифадәсиндән сонрадан имтина етмәси, онун автомобилинин вә һәбс едилән заман үстүндә олан 900 манат пулун ҝери гајтарылмасы барәдә вәсатәтләрә ҝәлдикдә исә гондарма истинтагдан һәлә дә ҹаваб јохдур.
Диггәт: Хәбәрдән истифадә етдикдә мәнбәјә истинад лазымдыр
