Әһли Бејт -АБНА- хәбәр аҝентлији- Иранын нүвә алимләринин террор олунмасы үчүн сионист режимә көмәк етмәкдә гоншу өлкәләрдән биринин ролу олмасы барәсиндә Иранын тәһлүкәсизлик назиринин ифшачылығы Бакы мәтбуатында ҝениш резонанс доғуруб. МедиаФорум Информасија Аҝентлији “Тәһлүкәсизлик назири Иранын нүвә алимләринин террорунда гоншу өлкәләрдән биринин иштирак етмәсинә тохунуб”, Јени Мүсават гәзети “Иранын тәһлүкәсизлик назири Азәрбајҹана ишарә едиб” вә Азадлыг гәзети “Иранын тәһлүкәсизлик назиринин дүшүндүрүҹү бәјанаты” башлыглары илә вә бир чох Азәрбајҹанын хәбәр мәнбәләри бу мәсәләни әкс етдирибләр.
Иранын тәһлүкәсизлик назири Һејдәр Мүслиһи сон вахтлар Иранын нүвә алимләринин террор амилләриндән 20 нәфәрин һәбс олунмасына тохунараг дејиб: Террор амилләри барәсиндә информасијаларын әксәријјәти Ирандан кәнарда топланыб вә сионист режим Иран вәтәндашларына гаршы террор әмәлијјатында АБШ-ын Мәркәзи Кәшфијјат Идарәси МКИ вә Инҝилтәрәнин МИ6 ҹасуслуг хидмәтләринин имканлары, тәлим вә әлагәләриндән дә јарарланыб.
Иранын тәһлүкәсизлик назири ејни заманда билдириб: Сон вахтлар ики террор шәбәкәси илә әлагәдар әмәлијјатда бәлли олду ки, сионистләр Иранын гоншу өлкәсинин торпағындан Иранда террор актлары төрәтмәк үчүн истифадә едибләр. Бу мәсәлә дөзүлмәз олаҹагдыр.
Гејд етмәк лазымдыр ки, Иранын Хариҹи Ишләр Назирлији 4 ај өнҹә Азәрбајҹан Республикасынын Теһрандакы сәфирини чағыртдырараг вә сәнәдләр тәгдим едәрәк Иранын нүвә алимләринин террор олунмасында Бакынын Моссадла әмәкдашлығына етираз едиб вә Бакыја сығынмыш Ҹавидан адлы террор амилинин екстрадисија олунмасыны истәјиб.
Бу рүсвајчылыгла бөһран шәраитинә дүшән Азәрбајҹан Республикасынын әлагәдар гурумлары сон бир нечә ај әрзиндә ҝүлүнҹ бир һәрәкәтдә вә әлаҹсызлыг үзүндән бир груп ҹинајәткар вә наркоман мәһбусу разылашдырдылар ки, ҹәзаларынын јүнҝүлләшдирилмәси гаршылығында камера гаршысында јаландан етираф етсинләр ки, Иранын тәһлүкәсизлик гурумларына бағлы олублар вә террор актлары кечирмәк истәјибләр.
Бундан өнҹә дә хәбәр мәнбәләри билдирмишдиләр ки, Азәрбајҹан Республикасы бөлҝәдә мүхтәлиф терроризм дүшәрҝәләринә чеврилмәкдәдир. Белә ки, бу мәсәлә даһа чох бу өлкәнин стабиллијини тәһлүкәјә атыр.
Диггәт: Хәбәрдән истифадә етдикдә мәнбәјә истинад лазымдыр
