I-ҹи һиссәјә кечмәк истәјәнләр ашағыдакы линки тыклаја биләрләр:
http://abna.ir/data.asp?lang=13&id=322537
Истәкли охуҹулар, јазынин биринҹи һиссәсиндә шадлыг мәҹлисләримиздә јол вердијимиз дөрд әсас ҝүнаһдан бәһс етмишдим. Бунлардан биринҹиси валидејнләримизин өз өвладларына өмүр-ҝүн јолдашы сечәркән Аллаһын бујурдуғу һалалллыг гајдаларына әмәл етмәмәси, икинҹиси хејир мәҹлисләринә хәрҹләнән пулларын һалал-һарамлығына диггәт едилмәмәси, үчүнҹүсү тојдан бир ҝүн әввәл бәј вә ҝәлинә һарам ичкинин вә гумарын мүшајиәти илә хејир-дуа(?) верилмәси, дөрдүнҹүсү исә масаларын һарам ичкиләрлә бәзәнмәси иди... Сөһбәтимизин бу һиссәсиндә шадлыг ҝүнләримиздә әксәријјәтин тәәссүф ки, биҝанә галдығы даһа беш ҝүнаһ әмәлдән бәһс едәҹәјик... Сиздән хаһишим будур ки, јазыны диггәтлә охујуб ирадларынызы, суалларынызы билдирмәкдә тәнбәллик етмәјәсиниз. Бу, һәр биримиз, бүтөвлүкдә халгымыз үчүн чох өнәмли мөвзудур...
...Бешинҹиси, тој-нишан мәҹлисләриндә ҹүрбәҹүр һарам хөрәкләрдән – донуз әтиндән, колбасалардан, неҹә кәсилдији бәлли олмајан тојуг мәһсулларындан вә с. истифадә едилир. Аллаһ-тәала Гурани-Кәримдә бујурур:”Өлмүш һејван әти, ган, донуз әти, Аллаһдан башгасынын ады илә кәсилмиш һејванын әти сизә һарам едилди”(Әл-бәгәрә, 173)...
Алтынҹысы, тојда-нишанда ҝәлин өтән сајда тәсвир етдијим кими, ачыг-сачыг ҝејиндириләрәк онларла, јүзләрлә кишинин ҝөзү гаршысында әјләшдирилир... Пејғәмбәримиз(с) бир һәдисиндә белә сөјләјир: “Милчәкләр әти нә ҹүр мурдарлајырса, ачыг бәдәнли гадынлара дикилән нәзәрләр дә онлары елә мурдарлајыр”...
Јарадан Гуранын Нур сурәсинин 31-ҹи ајәсиндә Пејғәмбәримизә хитабән бујурур: “Мөмин гадынлара де ки, ҝөзләрини һарам бујрулмуш шејләрдән чевирсинләр, намәһрәмә бахмасынлар, ајыб јерләрини зинадан горусунлар; өз-өзлүјүндә ҝөрүнән (әл, үз) истисна олмагла, зинәтләрини (зинәт јерләри олан бојун, боғаз, гол-ајаг вә с.) намәһрәмә(јад кишиләрә) ҝөстәрмәсинләр”...
Илләр өнҹә Маштағадакы јас мәрасимләриндән бириндә молланын нәгл етдији бир ибрәтамиз һекајәт һеч јадымдан чыхмыр: Узун илләр өвлады олмајан бир гадын Јарадана дуа едир ки, ја Рәббим, мәнә бир өвлад јетир, онун нәҹисини јејәҹәјимә вә јад бир киши илә әлагәдә олаҹағыма анд ичирәм... Вахт-вәдә јетишир, гадынын өвлады олур. Амма о, Аллаһа вердији вәдләри јеринә јетирмәкдән чәкинир. Мәҹбур олуб Пејғәмбәримизин(с) јанына мәсләһәтә ҝедир. Һәзрәти Рәсул(с) бујурур ки, еј гадын, бојнун, чијинләрин, голларын, синән, ајагларын күрәјин ҝөрүнәҹәк ачыг-сачыг гијафәтлә јад кишиләр әјләнән бир мәҹлисин ортасындан кечсән, елә бил ки, һәмин кишиләрин һамысы илә әлагәдә олмусан... Сәләмә ҝөтүрдүјүн вә ја вердијин пулла бир тикә чөрәк ал је, санки нәҹис јемисән”...
Јарадан диҝәр бир ајәсиндә һөкм едир: ”Ја Пејғәмбәр! Зөвҹәләринә, гызларына вә мөминләрин ханымларына де ки, бир иш үчүн чөлә чыханда өз сачларыны өртсүнләр. Бу, онларын танынмасы вә инҹидилмәмәләри үчүн әлверишлидир(Әһзаб, 59)”...
Гәрибәдир, валидејнләрин чоху ҝәлинләринин, еләҹә дә ҝүндәлик һәјатда гызларынын ачыг-сачыг ҝејинмәсинин милли адәт-әнәнәләримизә зидд олдуғуну, биабырчлығыны дәрк етсәләр дә, “моданын”, “мүасирлијин” басгысы алтында шүурлу шәкилдә бу ҹүр ҝејимләрә разылыг верирләр. Ачыг-сачыг ҝејинән бәзи ҹаван ханымларын сөјләдијинә ҝөрә, өзләри узун, өртүлү ҝејинмәк истәсәләр дә, әрләри иҹазә вермир, дејирләр ки, мини ҝејин, дар ҝејин вә с. ... Бу Азәрбајҹан, мүсәлман кишисинин фаҹиәсидир... Бу, кафирләрин гәләбәсидир...
“Филанкәс ҝәлинини күрәји ачыг ҝејиндирмишди”, “бәһмәнкәсин гызы мини јубка ҝејинир”, “филан гоһумун арвады дар ҹинс ҝејинир, мән дә белә ҝејиндирмәсәм, ҹамаат ҝүләр, дејәрләр ҝеридәгалмышды” вә с. кими бәсит, надан дүшүнҹәләр һәтта 60-70 јашлы ағсаггалларымыза(?!), ағбирчәкләримизә(?!) дә һаким кәсилмәјә башлајыб... Бу, бир һәгигәтдир ки, “атәшкәс” дөврүндә ағсаггаллығымыз, ағбирчәклијимиз дә тәнәззүлә уғрајыб..
Азәрбајҹанын ҝөркәмли зијалыларындан(!) һесаб едилән шаир Нәриман Һәсәнзадә бир нечә ил өнҹә “Спаҹе” телеканалындаки чыхышында гызларымызын, гадынларымызын дар шалварлар, ачыг-сачыг либаслар ҝејинмәсини мүасирлик әламәти, һәм дә бу ҹүр ҝејинән ханымын нәсил-нәҹабәтинин ҝөзәллијинин нүмајиши кими гәләмә верәрәк бу антимилли, Аллаһа зидд давранышлара һагг газандырды... Халгын зијалысы(?!), шаири белә дејирсә. ади инсанлары баша салмаг чәтин олар...
Ај әзизләрим, американлар, иинҝилисләр, франсызлар, ермәниләр, јәһудиләр, алманлар вә диҝәрләри үчүн гызларынын, ҝәлинләринин өз бәдәнләрини јад кишиләрин гаршысында нүмајиш етдирмәсиндә ејиб, башалчалдыҹы һеч нә јохдур. Һәтта Нәриман мүәллим кими буну өзләринә шәрәф билирләр... Гызларынын, баҹыларынын бакирәлијинин 13-14 јашларында позулмасы нормал һал һесаб едилән милләтләр үчүн, әлбәттә, белә шејләр фәрг етмәз... Бәлкә бу “мүасирлији” дә күтләви шәкилдә гәбул едәк?.. Бәлкә отурасыз евдә, гызларыныз, ханымларыныз стриптизлә пул газансын, сиз дә онларын һесабына “икс-5” аласыз?.. Нә дејәрсиз, һә, еј “мүасир” аталар, әрләр?!.
Једдинҹиси, шәриәтдә бир-биринә намәһрәм(јад) киши вә гадынларын тој-нишан мәҹлисләриндә бирҝә иштиракы да һарам сајылыр. Индики мәҹлисләрдә нәинки онларла, јүзләрлә гадын вә киши бири-биринә гарышыр. Јарычылпаг, әҹаиб ҝејимли гызлар, гадынлар намәһрәм оғланларла, кишиләрлә үз-үзә бајағы “мүасир” мусиги сәдалары алтында ҹин кими атылыб-дүшүрләр... Бәзи тојларда һәтта мурдар ҝөбәк рәгси дә ојнајырлар... Оғланын, кишинин сәрхош, нәшәли вәзијјәтдә истәдији ханымын бәдәнинә тохунмасына шәраит јарадан интим - “медленни” рәгсләр артыг кәнд тојларына да сирајәт едиб…
Сәккизинҹиси, бир-бири илә јерсиз бәһсәбәсдән мејдана ҝәлән, һәтта касыбларын тојларында белә, өзүнү ҝөстәрән исрафчылыг да Аллаһ гаршысында ағыр ҝүнаһлардан биридир. Әтрафымызда минләрлә инсанын: аһылын, ағбирчәјин, ушағын ајларла әтә, мер-мејвәјә һәсрәт галдығы, зибилликләрдән чөрәк галыглары топладығы бир вахтда өзүнү ҝөстәрмәк хатиринә сонрадан хејли һиссәси артыг галыб зибиллијә атылаҹаг чешид-чешид јемәкләр, ичкиләр вермәк һарынлыг, имансызлыг әламәтидир. Уҹа Јарадан өз китабында бујурур:”... Һәгигәтән малларыны әбәс јерә сола-саға сәпәләјәнләр Шејтанын гардашларыдыр”(Әи-Исра, 27)...
Доггузунҹусу, дөвләт атрибутларымыздан олан манатымыза, бајағы, тәһгиредиҹи мүнасибәт дә шадлыг мәҹлисләримиздә јол верилән бөјүк хәталардан биридир... Бир дә ҝөрүрсән ки, өзҝә вахт “гәпијә ҝүллә атан” касыбын бири сәрхош вәзијјәтдә атылыб дүшә-дүшә бир дәстә манатлығы ҹырыб ҹамаатын башына сәпир, сонра да бүтүн атлананлар санки өз милли пулларыны ајаглајыб әзмәкдә јарыша ҝирирләр...
Бир јандан севинирәм ки, јахшы ки, һөкумәтимиз 15 ил ајаглар алтда тапдатдыгдан сонра үзәриндә улу шәхсијјәтләримиз – Низами Вә Мәһәммәд Әминин әкси олан әскиназлары дөвријјәдән чыхарды. Амма бу ҝүн дә Азәрбајҹан Республикасынын хәритәси тападаныр, тәһгир едилир. Сонра да дејирик ки, пулумузун бәрәкәти јохдур...
Тојларымыз аиләләримизин бүнөврәсини гојур. Аиләләләр исә кичик дөвләт олараг ҹәмијјәтин, өлкәнин һүҹејрәси тимсалындадыр. Тој-нишан мәҹлисләри дә бу һүҹејрәләрин, јәни аиләләримизин нүвәсидир...Һүҹејрәнин нүвәси хәстә оларса, һүҹејрә дә хәстә олар, онун чохалмасы, ондан сағлам, ҹаван һүҹејрәләр төрәмәси еһтималы да азалар.. .Һүҹејрәнин –аиләнин хәстәлији бүтөвлүкдә бәдәнин – ҹәмијјәтин, милләтин, өлкәнин, дөвләтин хәстәлији, инкишаф етмәмәси демәкдир. Одур ки, бу ҹүр проблемләри галдырмаг вә һәллинә тәсир ҝөстәрмәк јалныз бир нечә јазарын, гәзетин, интернет нәшринин иши дејил, дини гурумларымызын, дөвләтимизин башында дуранларын, өзүнү халг тәрәфиндән сечилмиш һесаб едәнләрин, әлләриндә малијјә, информасија рычаглары олан, бу торпағын, бу халгын чөрәјини јејән ихтијар саһибләринин вәзифәсидир...
Һөрмәтли шејхимизин, ахундларын, һаҹыларын, мәшәдиләрин, өзүнү бу милләтин ағсаггалы, зијалысы, тәәссүбкеши һесаб едән шаирләрин, јазычыларын, алимләрин, милләт вәкилләринин јадына салырам ки, динимизин- Исламын гаршыја гојдуғу әсас вәзифәләрдән бири дә әмр-бә-мәруф (јахшы әмәлләрә дәвәт) вә нәһј-әз-мүнкәрдир(пис әмәлләрдән чәкиндирмәк)...
Ағыздолусу инкишафдан, интеграсијадан, инновасијадан, Балонија системиндән – глобаллашмадан данышырыг, анҹаг 14 әсрлик динимизин әсас дәјәрләринин унутмагдајыг. Имам Һүсејн әлејһиссәламын уғрунда шәһид олдуғу әмр-бә-мәруф вә нәһј-әз-мүнкәрә әмәл олунмамасындандыр ки, фаҹиә вә бәлаларымыз әсрбәәср артыр...
Дејирик ки, совет дөврүндә мүстәгил дејилдик, Ислама чохлу јасаглар вар иди. Бәс бу ҝүн мүстәгиликсә, азадыгса, руһани идарәләринин, дөвләтимизин башында дуранлар, танынмыш ағсаггал вә зијалылар кимдән вә нәдән чәкинирләр?!. Нијә Гурана – Аллаһ китабына анд ичиб онда бујуруланлара әмәл етмир вә ҹәмијјәтә доғру јолу тәлгин етмирләр?..
Әсл һәгиггәти Аллаһ биләр. Анҹаг Аллаһ китабларынын, Пејғәмбәр һәдисләринин, имам кәламларынын мәнтигинә әсасән белә дүшүнүрәм ки, сон јүзилликләрдә
