Әһли Бејт -АБНА- хәбәр аҝентлијинин вердији хәбәрә әсасән Ијунун 14-дә Иран Ислам Республикасынын Кәшфијјат Назирлији (ЕТТЕЛААТ) бәјанат јајараг өлкәнин нүвә алимләрини гәтлә јетирән террорчуларын тутулдуғуну билдириб.
Бәјанатда дејилир ки, өлкәнин тәһлүкәсизлик гүввәләри “сионист дүшмәнин тәһлүкәсизлик сәнҝәринә” нүфуз едәрәк өлкә дахилиндә вә хариҹиндә бир сыра әмәлијјатлар кечириб: “Һәмин әмәлијјатлар нәтиҹәсиндә Иран Ислам Республикасынын нүвә алимләри Мәҹид Шәһријари, Гәшгаји вә Мустафа Әһмәди Рөвшәни гәтлә јетирән террорчулар һәбсә салыныблар”.
ЕТТЕЛААТ-ын бәјанатында әмәлијјатын хырдалыглары вә тутуланларын кимлији ачыгланмыр. Билдирилир ки, бир сыра тәһлүкәсизлик мәсәләләрин һәлл етдикдән сонра һәм апарылан әмәлијјат һәм дә тутуланлар һагда әтрафлы мәлумат иҹтимаијјәтә ачыгланаҹаг.
Диггәт: Хәбәрдән истифадә етдикдә мәнбәјә истинад лазымдыр
