Әһли Бејт -АБНА- хәбәр аҝентлијинин вердији хәбәрә әсасән Иран ислам Республикасынын Азәрбајҹандакы кечмиш сәфири Әфшар Сүлејмани “Гафгазинфо”ја ҝөндәрдији ачыгламсында билдириб: “Гафгазинфо”да мәним мүсаһибәм дәрҹ оландан сонра бәзиләри мәним фикрими вә тәклифләрими дәстәкләдиләр, бәзиләри исә һеч мәним сөјләдикләрим дејил, өзүмү тәнгид етдиләр ки, ҝуја мәним нә һаггым вар ки, Азәрбајҹан һаггында данышам!”.
О, билдириб ки, Иран Ислам Республикасында азәрбајҹанлыларын 35 милјон олмасы илә бағлы дәфәләрлә фикир билдирилиб вә Азәрбајҹан Республикасы онларын да вәтәни сајылыр: “Еләҹә дә 9 милјон азәрбајҹанлылар бизим һаггымызда (35 милјон ИИР азәрбајҹанлысы ја сиз демишкән Ҹәнуби Азәрбајҹан) данышырларса биздә бу 9 милјонун һаггында данышмалыјыг. Мән дә онларын бирисијәм. Өзү дә биз даһа чох данышмалыјыг, чүнки биз 4 гат бурдакылардан чохлуг тәшкил едирик. Тәбии ки баҹарыглы, мүстәгил, өз мәнафејин јох халглын мәнафејин дүшүнән вә она зијан вурмајан, зијалы, савадлы, дүз, тәмиз вә ҹәсарәтли азәрбајҹанлылар Азәрбајҹан һаггында данышмалы вә чалышмалыдырлар.
Инди ҝәләк Иран-Ермәнистан әлагәләринә. Мән һөкумәт мәмуру дејиләм вә бу мүнасибәтин тәрәфдары дејиләм. Азәрбајҹанлыларла бирликдә ермәниләрлә мүһарибәјә ҝетмәјә һазырам. Бу сөзү 95-96-ҹы илләрдә дә Иранын Азәрбајҹанда мүвәггәти ишләр вәкили олдуғум заман да демишдим, сәфир олан вахтда да дедим, инди дә дејирәм. Амма буну да дејирәм ки, Русија Ермәнистанын әсас јардымчысы вә Азәрбајҹан әразисинин ишғалында да әсас ролу олан ојунчудур. Франса вә Америкада русларла бәрабәр 20 илдир долајысы илә, јахуд бирбаша Ермәнистанын јанындадырлар вә Азәрбајҹанын торпагларыны гајтармаг истәмирләр. Бәс нијә онлара гаршы митинг, пикет кечирилмир? Дүз демирәм?
Әзиз гардашларым вә баҹыларым мәни, һеч кими вә һеч бир шеји мүзакирә етмәјин вахты дејил. Әсас мүзакирә мөвзусу будур ки, Гарабағы вә диҝәр ишғал олунмуш әразиләри неҹә азад етмәлијик? Мәнҹә өндә гачгынлар вә мәҹбури көчкүнләр вә онларын ардынҹа да диҝәр азәрбајҹанлылар јола дүшүб ораја ҝетмәлидирләр. Гадынлар, ушаглар вә гоҹаларда Бакыда Русија, Америка, Франса вә ИИР сәфирлијинин гаршысында отурмалыдырлар вә онлара демәлидирләр ки, торпагларымызын азад олунмасына јардым етмәјәнә гәдәр бурадан ҝетмәјәҹәјик. Бу ишләр һәрби ҝүҹү артырмагла јанашы Азәрбајҹан дөвләтинә вә дөвләтчилијинә бөјүк бир дајаг олараг сүлһ данышыгларында Азәрбајҹанын мәнафеји вә әрази бүтөвлүјү истигамәтиндә чох өнәмли рол ојнаја биләҹәк имкана маликдир.
Тәбии ки, бунлары етмәк үчүн Азәрбајҹан достларыны артырмалыдыр. Гоншу вә мүсәлман өлкәләрлә даһа јахын вә меһрибан әлагәләр јаратмалыдыр. Иран Ислам Республикасы илә елә бир мүнасибәт гурмалыдыр ки, Ираны Ермәнистандан узаглашдырсын вә бир вәзијјәтә ҝәтириб чыхармалыдыр ки, Иран Ермәнистандан Азәрбајҹанын хејринә нәләрсә тәләб етсин. Амма гәбул едәк ки, әҝәр Азәрбајҹан Республикасында Иран Ислам Республикасынын әрази бүтөвлүјүнә тохунуларса, Теһран-Ирәван әлагәләри ҝүҹләнәр вә бу Азәрбајҹанын хејринә олмаз. Әлбәттә Иран Ислам республикасында да кимләрсә Азәрбајҹанын дахили ишинә гарышмамалыдыр. Һәр заманда ики өлкәнин бир-биринә гаршы нә сөзү олса гардашлыг атмосфериндә бир-биринә демәли вә проблемләрин һәлли јолларын тапмалыдырлар. Белә олан һалда башга гүввәләрин дејил, ики өлкәнин вә халгын мәнафеји тәмин олунар.
Беләликлә, Иран милләти дә (бүтүн Иранда јашајан халглар өзәлликлә азәриләр) Азәрбајҹан республикасынын вә милләтинин јардымчысы ола биләрләр. Белә олан һалда ИИР вә Азәрбајҹан халгы пијада ҝедиб Гарабағы вә диҝәр ишғал олунмуш әразиләри дүшмән әлиндән ала биләрләр. Инди бахын ҝөрүн бу лобби ҝүҹлүдүр, ја ермәни лоббиси. Минск групу вә башга өлкәләрдә бу ҝүҹү ҝөрән заман Азәрбајҹан халгынын вә дөвләтинин сөзүнү ешидәр. Америка 907-ни ләғв едәр вә Азәрбајҹанын хејринә нәләрсә едәр, етмәсә дә аз манеәләр јарадар, Русија бир аз чох дүшүнәр ки, ат ојнатмағын вахты битиб (онсузда демократија Русијаја ҝәлсә реҝионда чох проблемләр һәллини тапаҹаг, рус халгы да тәрпәниб иншаллаһ ишыглы јолу тапар), Франса вә башгалары да дүшүнәр ки, нә етмәлидир. Бунлардан өнәмлиси ермәниләр анлар ки”.
Узун сөзүн гысасы, һәр һалда мән Азәрбајҹаны да ИИР кими өзүмә вәтән билирәм вә она көмәк етмәк үчүн һәмишә әлимдән ҝәләни етмәјә һазырам. Амма о бәзиләри ки, мәним Азәрбајҹан һаггында данышмағыма гаршы чыхырлар онлара демәк истәјирәм ки, нә замана гәдәр ки, Азәрбајҹан Республикасында Иран азәриләрилә бағлы данышылырса вә јазылырса бизим дә һамымызын Азәрбајҹан Республикасы илә бағлы данышмаг вә јазмагм һүгугумуз вар.
Бир ҹүмләдә бәзиләринә хатырладым ки, дүнја рабитә вә интернет дүнјасыдыр, һәр јерә, һансы өлкә дә јашамағындан асылы олмајараг һәр өлкәнин КИВ-дә јазыб вә мүсаһибә верә биләрсән. О өлкәдә јашамаг лазым дејил. Мән дә чох вахтлар узагдан мүсаһибә верирәм, јахуд мәгалә јазырам. Бу гәдәр инҹимәсин о бәзиләр! Јахшы ки, Бакыја ҝәләндә онларын евиндә јејиб-ичиб јатмырам! Ҝөр онда нәләр оларды?
Сонда һамыны вә өзүмү Аллаһы вә халгын мәнафејин нәзәрә алараг сөз азадлығыны горумаға, ифтира атмамаға, тәһгир етмәмәјә, дүзҝүн, тәрбијәли вә мәнтигли јанашмаја дәвәт едирәм”.
Диггәт: Хәбәрдән истифадә етдикдә мәнбәјә истинад лазымдыр
