Әһли Бејт -АБНА- хәбәр аҝентлијинин вердији хәбәрә әсасән Азәрбајҹан Республикасынын президенти дәфәләрлә билдирмишдир ки, бу өлкәнин әразисиндән һеч вахт үчүнҹү бир өлкәјә, әсасән гоншу өлкәләрә, о ҹүмләдән Ирана гаршы һәрби һүҹум үчүн имкан верилмәјәҹәк.
АБШ дөвләт катибинин Азәрбајҹана сәфәриндә Иранла бағлы мәсәләләр дә мүзакирә мөвзусу олмушдур. Амма Бакы рәсмиләри дәфәләрлә билдирибләр ки, Азәрбајҹан өз әразисиндән гоншуларына гаршы тәһдидләрә иҹазә вермәјәҹәк.
"Независимаја Ҝазета" хәбәр верир ки, АБШ дөвләт катиби Һиллари Клинтон чәршәнбә ҝүнү Бакыда Ҹәнуби Гафгаза сәфәрини баша вуруб. Клинтон Азәрбајҹана бу гыса сәфәриндә Президент Илһам Әлијев, харҹи ишләр назири Елмар Мәммәдјаров, вәтәндаш ҹәмијјәти вә медиа нүмајәндәләри илә ҝөрүшләр кечирмиш, һәмчинин Бејнәлхалг Нефт вә Газ сәрҝи-конфрансында олмушдур. Бу ҝөрүшләрдә Азәрбајҹан-АБШ икитәрәфли әмәкдашлыг, Гарабағ мәсәләси, Гафгазын тәһлүкәсизлији, террорчулугла мүбаризә вә диҝәр өнәмли мәсәләләр мүзакирә олунмушдур. Һәмчинин, мүзакирә мөвзуларындан бири дә Иранын нүвә програмы вә Азәрбајҹанла Иран арасында јаранмыш сон проблемләр олмушдур. Әлбәттә, Азәрбајҹан рәсмиләри Иран-Азәрбајҹан арасында јаранмыш сон ҝәрҝинликләрә бахмајараг, габагҹадан билдирмишдиләр ки, Азәрбајҹан һеч вахт өз әразисиндән Ирана гаршы һәрби һүҹум үчүн иҹазә вермәјәҹәк. Стратежи Арашдырмалар Мәркәзинин директору Фәрһад Мәммәдов бу гәзетин мүхбири илә мүсаһибәсиндә билдириб: "Бакы рәсмиләри АБШ дөвләти илә Иран барәдәки мүзакирәләриндә өз гәти вә принсипиал мөвгеини сечиб вә өлкә президенти дәфәләрлә билдирмишдир ки, бу өлкәнин әразисиндән һеч вахт үчүнҹү бир өлкәјә, әсасән гоншу өлкәләрә, о ҹүмләдән Ирана гаршы һәрби һүҹум үчүн имкан верилмәјәҹәк".
Експерт һәмчинин Иран-Азәрбајҹан арасында јаранмыш сон ҝәрҝинлијин бу ики өлкәнин һеч биринин марагларыны тәмин етмәдијини характеризә етдијини вә һәр ики өлкәнин бәзи групларын марагларына хидмәт едән тәһрикамиз һәрәкәтләрдән чәкинмәјә чалышмалы олдугларыны билдириб.
Диггәт: Хәбәрдән истифадә етдикдә мәнбәјә истинад лазымдыр
