Әһли Бејт -АБНА- хәбәр аҝентлијинин вердији хәбәрә әсасән Иран ислам Республикасында "Әлламә Тәбатәбаи" адына Университетин бир груп тәләбәси үмуми дипломасијаны мөһкәмләндирмәк вә Азәрбајҹанын университет тәләбәләрини мәлуматландырмаг үчүн онлара хитаб мәктубу јазмышдыр.
Мәктубун мәтни ашағыдакы кимидир:
Гәфләтдән ојанышы вә зүлмә гаршы мүбаризәни јарадан Аллаһын ады илә
Азәрбајҹанын мүсәлман тәләбә баҹы вә гардашларымыз
Салам олсун сизә.
Аллаһын лүтфү илә гәдәм гојдуғунуз о торпаг ортаг тарихимиз боју шаҹаәт, шәһадәт, мүгавимәт вә гәләбәләр сәһнәси олмушдур. Бу гәһрәманлыглар сизин милли вә ислами кимлијинизин әсас сәрмајәси, өвладларымызын ҝәләҹәк сәадәт вә уғурлары үчүн лазым олан јеҝанә дәјәрдир. Ихтијарынызда олан бу әманәт залым вә лагејдләр тәрәфиндән јағмаланмаға, тапдаг алтында галмаға лајиг дејил. Чүнки әманәтин шәрти онун горунмасына сәдагәтли олмагдыр.
Бу ҝүнләри рәшадәт вә шәһадәт бешији олан мүгәддәс бир јурд, мәдәнијјәтсиз мүсабигәләр, позғун мәрасимләр чәрчивәсиндә бу јурдун шанлы тарихини дәјәрсиз вә шәхсијјәтсиз ҝөстәрмәк исәјән капитализм режиминин әсҝәрләринин парадынын шаһидидир. Она ҝөрә дә кимлијимизи дахилдән мәһв етмәклә мәшғул олан белә һәрәкәтләр гаршысында мүгавимәт ҝөстәрмәк биз мүсәлман тәләбәләр үчүн зәриридир вә биз бу мәсәләдә мәсулијјәт дашыјырыг. Бу ҝүнләри биз бүтүн дүнјаја, әсасән дә капитализм режиминә гәтијјәт вә әзмкарлыгла баша салмалыјыг ки, Ислам торпаглары вә ата-баба јурдумуз дәјәрләрә гаршы чыхан режимин гәбристанлығына чевриләҹәк.
Капитализм режиминдә өзүнү гәрг етмиш вә дәјәрсизлик тәлатүмүндән безмиш өлкәләрин бош вә мәнасыз һәрәкәтләринин рәгабәт сәһнәси чәрчивәсиндә тәшкили шәхсијјәтсилик бөһранынын Ислам өлкәләринә өтүрүлмәсиндән башга бир шеј дејилдир. Чүнки империализм вә капитализмин чиркин һәдәфләрини јалныз лагејдлик вә һәгиги кимликдә чашгынлыг јаратмаг васитәсилә һәјата кечирмәк мүмкүндүр.
Сүгуту јахынлашмыш гәрб мәдәнијјәтинин варид етдији сон мүсабигә гәһрәман Азәрбајҹанын кимлији үчүн әрмәған ола биләрми? Һалбуки, бу һәрәкәтин нәтиҹәсиндә дөғма ана дили өз һәгигәтиндән үз дөндәрир, милли дәјәрләр өз јерини унутганлыг вә трансформасијаја верир.
Әзиз Ислам бизим ҹанымыздыр. Нә үчүн онун ҝөзләримиз өнүндә гамчыланмасынын шаһиди олаг? Нә үчүн мәсҹидләримиз дағыдылмалыдыр? Вә һәлли сәнин вә мәним ојанмағымызда олан минләрлә диҝәр "нә үчүн"ләр! Сизин ислами өлкәниз һәр бири бөјүк бир мүсабигә олан, капитализм вә дәјәрләрә гаршы олан режимләрин һеч биринин һәмин мүсабигәләрдә сиз гејрәтли ҹаванларла үзләшә билмәдији вә һәмишә өзләрини мәғлуб билдији дәјәрләрлә долудур. Чүнки шәһадәти олан милләтин мәғлубијјәти јохдур. Белә бир милләтә галиб олмаг үчүн јол тәкҹә дахилдән онун дәјәрләрини мәһв етмәк вә идхал олунмуш вә мәнасыз мәдәнијјәтләри онун јеринә гојмагдыр. Бу һәмин јолдур ки, Азәрбајҹанын бу ҝүнкү һакимијјәти ону өз ҝүндәлијиндә гәрар вермишдир.
"Еуровисион" Азәрбајҹан үчүн һансы әрмәғаны ҝәтирди? Бу, ҹавабы һамы үчүн гаранлыг галан суалдыр. Тәкҹә мәлум олан будур ки, белә мүсабигәләри тәшкил едәнләр бу мәдәнијјәти јајмаг вә Ислам тәфәккүрүнүн артеријасыны кәсмәклә ҝәләҹәкдә һәгиги милли вә ислами кимилији, шәһидлији, шүҹаәти, зүлмлә мүбаризәни реҝионда арадан галдараҹаг вә тәкҹә исламсевәр Азәрбајҹанда јох, һәтта онунла гоншу өлкәләрдә дә шәхсијјәтсизлији јајаҹагларыны үмид едирләр.
Артыг һиммәт кәмәри бағламаг заманыдыр! Артыг ајыг олмаг вахтыдыр! Биз мүсәлман ҹаванларына ваҹибдир ки, империализмин мәдәни мүсабигәләри чәрчивәсиндә ҝәлән фитнәләри гаршысында шүҹаәтлә дајанаг, дәјәрләрә гаршы оланларын һимајәтчиләринә баша салаг ки, бу мүгәддәс торпаға ајаг басмаг јалныз Ислам дәјәрләринә әсасланан кимлијимизи танымагла мүмкүндүр.
Бу јурдун мүсәлман ҝәнҹләринин анти-Ислам режиминдә овсунланмыш үрәкләрин ојанаҹағынын шаһиди олаҹаглары ҝүнүн үмидилә! Иншаллаһ.
Диггәт: Хәбәрдән истифадә етдикдә мәнбәјә истинад лазымдыр
