Әһли Бејт -АБНА- хәбәр аҝентлијинин вердији хәбәрә әсасән Әҝәр АБШ вә Исраил Ирана гаршы мүһарибәјә башласалар, ислам республикасы онларын базаларына зәрбә ендирә биләр. Али Дини Рәһбәр Ајәтуллаһ Әли Хаменеинин мүшавири ҝенерал Јәһја Рәһим Сәфәви белә бир бәјанатла чыхыш едиб.
«Бирләшмиш Штатларын сијасәтчиләри вә һәрбчиләри јахшы билирләр ки, онларын бүтүн базалары Иран ракетләринин чата биләҹәји мәсафәдәдирләр», дејә ҝенерал бәјан едиб.
О һәмчинин билдириб ки, Иран Ислам Республикасы ракетләри Исраилин истәнилән нөгтәсиндә һәдәфи вура биләрләр. «Онлар мүһарибәјә башлаја биләрләр, лакин ону гуртара билмәзләр», дејә ҝенерал Сәфәви јекунлашдырыб.
Диггәт: Хәбәрдән истифадә етдикдә мәнбәјә истинад лазымдыр
