Әһли Бејт -АБНА- хәбәр аҝентлијинин вердији хәбәрә әсасән Бакы Бејнәлхалг Һава Лиманынын мәмурлары өтән базар ертәси ҝүнү Дүнја Мүсәлманларынын Лидери Имам Хаменеји ҹәнабларынын нүмајәндәлијинин мәдәнијјәт мәсәләләри үзрә мүдири Һөҹҹәтүлислам вәлмүслимин Мәһәммәд Һади Фәрид Әсрин Азәрбајҹан Республикасына ҝиришинин гаршысыны алыблар.
Бунунла әлагәдар Иран Ислам Республикасынын Бакыдакы сәфирлијинин мәтбуат хидмәти бир бәјанат јајараг, Бакы һава лиманы мәмурларынын Һөҹҹәтүилслам вәлмүслимин Фәрид Әсрин Азәрбајҹан Республикасы торпағына ҝириш һаггы олмадығы вә бу өлкә торпағыны тәрк етмәли олдуғу барәдә тутдуғу мөвгеи јанлыш адландырыб.
Бу бәјанатын мәтни беләдир:
"Бунунла билдирилир ки, Һөҹҹәтүилслам вәлмүслимин ҹәнаб Мәһәммәд Һади Фәрид Әср хидмәти паспорту илә Бакыда Һејдәр Әлијев Бејнәлхалг Һава лиманына дахил олдугдан сонра Иран Ислам Республикасы илә Азәрбајҹан Республикасы арасында хидмәти паспортлара малик шәхсләр үчүн визанын ләғв олунмасы илә бағлы разылыға зидд олараг Бакы һава лиманындан ҝери гајтарылыб.
Ејни заманда үмуми фикрин диггәтинә чатдырылыр ки, гејд олунан шәхс Ислам Ингилабынын Бөјүк Рәһбәри Һәзрәт Ајәтуллаһүлүзма Хаменеинин нүмајәндәси олмајыб вә һеч бир мүраҹиәт дә дашымајыб. О, истираһәт мүддәтини баша чатдырдыгдан сонра хидмәтини давам етдирмәк үчүн Бакыја гајыдырмыш.
Иран Ислам Республикасынын Азәрбајҹан Республикасындакы сәфирлијинин мәтбуат хидмәти"
Гејд етмәк лазымдыр ки, Азәрбајҹан Республикасы һөкумәти 2010-ҹу илдән бир чох мәһдудијјәтләр тәтбиг едәрәк бу өлкәдә Иран гурумларынын мәсул шәхсләри вә аиләләринин галмасына мане олмушдур вә бу, Иран мәмурларынын Бакыја ҝиришинин гаршысынын алынмасы илә бағлы 4-ҹү һалдыр. Азәрбајҹан Республикасы һөкумәтинин илк аддымы 7 ај өнҹә Иран Телерадио Тәшкилатынын Бакыдакы нүмајәндәлијинин мүдиринин бу өлкәјә ҝиришинин гаршысыны алмагла баш верди вә давамында Бакыда Ҹамиәтүл-Мустафанын нүмајәндәси Әмин Сәдугијә билдирди ки, бу өлкә торпағыны тәрк етсин.
Азәрбајҹан мәмурларынын 3-ҹү һәрәкәти өтән ил феврал ајында Хәбәр телеканалынын журналисти Рза Рәһимпурун Азәрбајҹан Республикасына ҝишинә мане олмасы олду.
Азәрбајҹан Республикасы һөкумәти өтән бир нечә илдә сионист режимин бу өлкәдәки иштиракы илә паралел олараг өз анти-Иран һәрәкәтләрини артырмышдыр.
Диггәт: Хәбәрдән истифадә етдикдә мәнбәјә истинад лазымдыр
