Әһли Бејт -АБНА- хәбәр аҝентлијинин вердији хәбәрә әсасән әлијевләр режиминин шөбә мүдири Әли Һәсәнов вәтәндаш ҹәмијјәтинин инкишафы илә бағлы сахта конфрансда билдириб: “Бу ҝүн “Һуман Риҝһтес Wатҹһ”, “Аминистј Ынтернатионал” кими бејнәлхалг тәшкилат вә бәзи КИВ-ләр Азәрбајҹаны Африка дөвләти һесаб едир вә дүшүнүр ки, ГҺТ-ләримиз Азәрбајҹанда онларын габағындан гачмалыдыр”.
О дејиб ки, Азәрбајҹанда бир чох Авропа өлкәси илә мүгајисәдә инсан һүгуглары саһәсиндә даһа ҹидди аддымлар атылыб, әсрин әввәлиндә ҹүмһуријјәт јарадылыб, гадынлара сәсвермә һүгугу верилиб, опера јарадылыб. Ә.Һәсәнов дејиб ки, трансмилли КИВ-ләр вә бәзи тәшкилатлар өзләри мүстәгил олмадығы һалда Азәрбајҹана дамға вурмаға чалышыр: “Анҹаг онлар демирләр ки, Ермәнистан 20 илдир ки, Азәрбајҹан торпагларыны ишғал алтында сахлајыр, БМТ-нин гәтнамәләрини јеринә јетирмир”.
Әли Һәсәнов “Еуровисион”ла бағлы Азәрбајҹана ҝәлән хариҹи журналистләрә дә ирад билдириб: “Јазмадылар ки, Азәрбајҹан Ҹәнуби Гафгазда јеҝанә дөвләтдир, Авропанын енержи тәминатында рол ојнајыр. Ирандан вә диҝәр дөвләтләрдән ҝәлән фундаментал дини мүдахиләләрин гаршысыны алыр”.
Әли Һәсәнов дејиб ки, дүнјанын һәр һансы өлкәсиндән фәргли Азәрбајҹанда КИВ-ләр истәдијини јазыр, президенти, иҹра гурумларынын рәһбәрләрини тәнгид вә һәтта тәһгир едир: “Һансы өлкәдә Азәрбајҹандакы кими мүхалифәт белә сәрбәст фәалијјәт ҝөстәрир? Сәрф еләјәндә Азәрбајҹаны тәрәфдаш адландырырлар, сәрф еләмәјәндә Авропа гурумлары Азәрбајҹаны һәдәф сечир. Авропа нә ҝүндәдир? Шәрги Авропада истеһсалы дајандырдылар ки, ҝуја компенсасија верәҹәкләр. Инди дә компенсасијаны дајандырыблар. Гәддафидән 5 ил әввәл пул алырдылар, 5 ил сонра адыны диктатор гојуб үстүнә тәјјарә ҝөндәрдиләр”.
Әли Һәсәнов билдириб ки, Азәрбајҹан мүхалифәти рәзил вә анти-Азәрбајҹан маһијјәтлидир: “Мән “Еуровисион” вахты мүхалифәтин етдији һәрәкәтләрдән сонра Азәрбајҹан һакимијјәтиндән наразы оланларын да мүхалифәтә сәс верәҹәјинә инанмырам”.
Әли Һәсәнов гејд едиб ки, Иран руһанијјәтинин Азәрбајҹана тәзјигләри дә јолверилмәздир: “Биз Ирана дејирик ки, сәнин динин дә, руһанијјәтин дә сахтадыр. Биз буну гәбул етмирик. Биз “Еуровисион” кечиририк, јенә дә дејирләр ки, сиз ҝеј-парад кечирирсиниз”.
Азәрбајҹан ГҺТ-ләрини бу кими һаллара реаксија вермәјә чағыран Әли Һәсәнов вурғулајыб ки, Азәрбајҹанда бәзи мүхалифәт гүввәләри һәлә дә гәрбин онлары һакимијјәтә ҝәтирәҹәјини ҝөзләјир: “Һакимијјәт халга сөјкәнмәлидир”.
Диггәт: Хәбәрдән истифадә етдикдә мәнбәјә истинад лазымдыр
